Wana ni mbaktumba hi Job-pa 4:3 - Bible azumeina

³ Gola! Ang hat suma ablaud’a, ang had’enga mi suma a mbut amangeîd’a kekeb’ena.

Wana ni mbaktumba hi Job-pa 4:3 Referans Kwoze

Isai 35:3

Agi siragi abo ma mi mbut amangeîd’ina, agi siragi guguf ma nga mi zlak kekeb’ena mi.

Hebre-na 12:12

Kayam ndata, ar agi yogi abogi ma kauna akulo, agi siragi guguvagi ma amangeîna mi.

Wana ni Zla d’a Djivi d’a Luc mi b’irita 22:32

wani an tchen wa Alona kangû, kayam he gagazi manga kid’ak ki. Wani ata yima ang hulong kur lovot mangina, ar ang sira b’oziyongâ.

Zla d’a d’ogolâ 10:21

Zla d’a ndavun sama d’ingêrîd’a nga d’i tak lovota mi suma ablaud’a, wani suma lilid’a a nga bo ni yam bei we mazid’a.

Wana ni mbaktumba hi Job-pa 16:5

An mba ni hagi ad’enga ki zla d’a de d’a avunanda; zla d’a de d’a mba d’i ndavunanda, mba d’i b’lengêgi hurugi kur ndak magid’a mi.

Efes-sâ 4:29

Ar zla d’a tchod’a ndavunagi d’i, wani agi dagi ni zla d’a djivi d’a ndak á wul suma kid’aka akulo kur he gagazid’id’a, á ndjun suma a nga hum zla magid’ina mi.

Wana ni Zla d’a Djivi d’a Luc mi b’irita 22:43

Ata yi máma, malaikana mi tcholï akulo, mi mba á hum ad’enga.

Gat ta a hat á mbàd’id’a 3:28

Ang he vuna mi Josue, ang hum ad’enga, ang siramu, kayam ni mam ba, mba mi tit avok sum ndazina, mba mi hazi ambas sa ang wat wanda djona.

Ezekiyel 13:22

Agi b’lagagi hur suma d’ingêr suma an tan b’lagazi nga huruzi d’uo na ki zla magi d’a kad’a, agi nga hagi ad’enga mi suma asa’atna á d’elezi tala a hulongî woi ata tit mazi d’a tchod’a á kak karid’a d’a.

Isai 50:4

Salad’a Ma didina mi had’an tala an we zla d’a ded’a á ndjun ki sama mi kauna d’a. Yorogo d’a lara pî nga mi zlid’in akulo tala an hum d’igi suma hata a hum zlad’a na d’a.

Zla d’a d’ogolâ 16:21

Sama ned’a a nga yum ala sama wad’ud’a, zla d’a djivi d’a nga d’i ndavun sanid’a nga d’i i ki wed’a avogovogo.

Zla d’a d’ogolâ 15:7

Zla d’a ti ndavun suma ned’id’a ti ya’î wed’a, wani suma lilid’a djib’er mazid’a ti nga hina d’i.

Ad’u Tinda 18:19

An manamu, kayam mam mba mi hat groma kandjavam á ngom vun ma he mana á tit yam d’ingêra ata lovod’od’u. Ni hina ba, an Ma didina mba ni ndak vun vun ma hle ma an hlumzina.

Kolos-sâ 4:6

Ar zla d’a djivid’a ndavunagi teteu á le suma tazi djivid’a d’igi ndjuvuna na, kayam agi wagi lovota á hulong zla d’a ded’a mi sama lara ge pet.

Esdras 6:22

A lü vun til ma a lum kavungô ma bei angufina ki furîd’a gak burâ kid’iziya, kayam Ma didina mi lazi tazi djivid’a ata yima mi mal djib’era hamul ma Asiri-na á ndjunuzi kur sunda hi gong nga kud’ora hAlona hi Israel-lînid’a.

Wana ni mbaktumba hi Job-pa 4:4

Zla mang nga ded’a ti tchol suma a puk kä na akulo, ang d’op suma guguvazi mi guna aduk mi.

Wana ni mbaktumba hi Job-pa 29:11

Suma a hum zla mandina a le furîd’a kanu, suma a wana a le glangâsâ kan mi.

Wana ni mbaktumba hi Job-pa 29:15

An mbut ni d’igi ira hi ma dukid’a na, an mbut ni d’igi asema hi ma dileîd’ina na mi.

Wana ni mbaktumba hi Job-pa 29:16

An mbut nabud’a hi suma houd’a, an hal ad’u zlad’a hi sama suma a wum nga d’uo na.

Wana ni mbaktumba hi Job-pa 29:21

Azi a humunu, a nga djuba; a golonu, a seng silil á hum d’al ma an duma.

Sofoni 3:16

Kur bur máma a mba de mi suma Jerusalem-ma ala: Ar agi lagi mandar ri, a mba de mi suma Siyon-na ala: Ar abogi mi ngrap pi.