Wana ni mbaktumba hi Job-pa 38:19 - Bible azumeina

¹⁹ B’od’a ti nga kaka nabo ma lara ge? Yima kaka hi nduvundina mi nga ni lara mi ge?

Wana ni mbaktumba hi Job-pa 38:19 Referans Kwoze

Ezekiyel 32:8

An Salad’a Ma didina ni dala: An mba ni duk ir b’od’a hahle suma akulona kang mi.

Matiye 27:45

Kid’a afata tchol falei d’ad’ara, yina mbut nduvunda yam andaga ndata pet gak afata tchuk siyad’u.

Amos 4:13

Gola! Mam mi ma lahuniyôna ki simetnina, ni ma nga mi tak djib’er mamba mi sanina, ni ma nga mi mbut yorogod’a nduvundina, ni ma nga mi tit akulo yam fiyaka handagad’ina, simiyêm ala Ma didina Alo ma ad’engêm kal petna.

Isai 45:7

An le b’od’a, an le nduvunda mi. An le b’leng nga halasa, an le ndaka mi. Ni an Ma didina ba, ni lahle ndazina wan pet mi.

Sawal la giled’a 105:28

Mi sunï nduvunda yam ambasa, ambasa ti mbut nduvunda i’îlik. Azi nga kak djangûna ki zla mamba d’i.

Sawal la giled’a 104:20

Ang le nduvunda; ni ndata ba, andjeged’a nga; ni kur nduvun ndata ba, ahle suma abageina a yo tita.

Sawal la giled’a 18:11

Mi nga yam tcherebêna, mi pir akulo; mi dal akulo yam simetna.

Gat ta a hat á mbàd’id’a 4:19

Ar agi hlagi iragi akulo hur alona á gol afata tilâ ki tchitchiud’a kahle suma akulona pet ba, a lobogi vunagi á kud’urozi á lazi sunda d’i, kayam nahle suma Ma didina Alo magina mi hazi mandjaf ma ding ma nga kaka yam andagad’a petna.

Jean 8:12

Jesus mi de mi Fariziyêna kua ala: An ni b’od’a hi suma kur duniyad’ina. Sama tit ad’una, mba mi tit kur nduvunda d’i, wani mba mi tit ni kur b’o manda.

Jean 1:9

Ndat ni b’o d’a gagazi d’a mba kur duniyad’a á b’o yam suma peta.

Jeremi 13:16

Agi suburugi Ma didina Alo magina avok ka bei mam mba ki nduvundid’a, avok ka bei asegi mi dap kahuniyôna kur yima nduvundid’a. Agi nga djubugi b’od’a, wani mam mba mi mbud’ut nduvunda. Mba mi mbud’ut nduvunda d’igi d’ugul la wura d’a i’îlika na.

Wana ni mbaktumba hi Job-pa 26:10

Mi ngui nga yina akulo yam mbina d’igi haga d’a aduk b’od’a ki nduvundid’a na.

Wana ni mbaktumba hi Job-pa 38:18

Ang we bubud’a handagad’id’a pet mi zu? Le ang wahle ndazina ped’u ni, ang vandji ad’ud’a.

Wana ni mbaktumba hi Job-pa 38:20

Ang ndak á i halazi ata yazi ma kaka, d’oze ang we lovot ta i ata yazi ma kakid’a mi zu?