Wana ni mbaktumba hi Job-pa 37:23 - Bible azumeina

²³ Ei ndak á tchei sä ata Ma ad’engêm kal petna d’i; ad’eng mamba ti kal heî, d’ingêr mamba ti kal heî mi, wani hina pet pî nga mi le ir sa d’i.

Wana ni mbaktumba hi Job-pa 37:23 Referans Kwoze

1 Timote 6:16

Mam tu ni ma bei matna, ni ma nga kaka kur b’o d’a sana mi ndak á hut go gevem mbuo d’a. Ni ma sa wum nga d’uo na, ni ma sa mi ndak á wum mbuo na mi. Hud’a kad’enga ni mamba gak didin. Amin!

Romê-na 11:33

Ndjondjoîd’a hAlonid’a ki ned’a ki we mamba ad’uzi ni zula yiyik. Ni nge mi ndak á väd’u sariya mamba ki nga hur mama ge?

Sawal la giled’a 99:4

Ar azi gileng ang amul ma min d’ingêrina. Ni ang ba, tin d’ingêra ki sariya d’a ka d’a irata aduk andjafa hi Jakob-ma mi.

Wana ni mbaktumba hi Job-pa 36:5

Alona ni ma sib’ika, nga mi gol sa is si, ni ma sib’ika, mi nga kad’enga á wad’ud’a pet mi.

Wana ni mbaktumba hi Job-pa 9:4

Ned’a ni mamba, ad’eng nga kal teglesa ni mamba mi. Ni nge ba, mi d’elem bei mi ngobom ge?

Ezekiyel 18:32

Tan nga d’i lan djivid’a yam matna hi sanina d’i. Agi mbud’ugi hurugiya, agi kagagi karid’a. Ni an Salad’a Ma didina ba, ni de na.

Ezekiyel 18:23

Salad’a Ma didina mi dala: Na ni an min ala ma asa’atna mi mid’a zu? An min ala mi djok tit mamba mi kak karid’a.

Isai 63:9

Kur ndak mazid’a pet mi sun nga sama ding á ndjunuzi d’i, wani ni mam tamba ba, mi sud’uziya. Kur o mamba ki we hohou mamba mi ndjunuziya, mi hlanek mazid’a kamu, mi zizi akulo ahlabam kur tit mazi d’a fiyaka pet mi.

Isai 45:21

Agi tchagi wala agi dagi woi yam ahle ndazina. Ar suma a tok tazi a de tazi d’alâ. Ni nge ba, mi de woi yam ahle ndazina kad’u tinda mi de woi kazi avok dedei ge? Nga ni an Ma didina d’uo zu? Alo ma ding nga woi kengên ndi. An tu nAlo ma d’ingêr ma sut suma. Alo ma ding nga d’i.

Sawal la giled’a 30:5

Agi mam suma d’engzengâ, agi suburugi Ma didina ki sawala, agi gilem simiyêm ma bei tchod’ina.

Wana ni mbaktumba hi Job-pa 11:7

Ang ndak á fek ad’u zla d’a yiyika hAlonid’a zu? Ang ndak á fek ad’u wäd’u d’a memeta hi Ma ad’engêm kal petnid’a mi zu?

Hebre-na 12:10

Abuyoi suma kur duniyad’a ka hina, a nga gad’ei ndjö yam vama ndak djivid’a irazina. Wani Alona nga mi gad’ei ni yam djivi meid’a, kayam ei kagei suma bei tchod’a d’igi mam na.

Wana ni Zla d’a Djivi d’a Luc mi b’irita 10:22

Mi de mi suma ala: Abun han ahlena pet abonu. Sama wan an Gorâ nga d’i, nAbun hol. Sama wAbun nga d’i, ni an Goroma hol mi. Sama an Gorâ ni min tagam Abun woina, an tagamzi woi mi.

Matiye 6:13

Ar ang imi kur kuka d’i, wani ang pad’ami woi abo Ma tchona. [Leud’a, ad’enga ki subura ni manga gak didin. Amin!]

Ma tchi wala 3:11

Ahle suma mi lazina pet, ni djivid’a kur atchogoi mazid’a, gak mi hazi djib’era yam ahle suma a nga mbana. Hina pet pî, sana mi ndak nga á wäd’u sun nda Alona mi tinit ad’ut á led’a gak dabid’id’a d’i.

Sawal la giled’a 93:1

Ma didina namul ma ngolâ, mi tchuk subura atam d’igi barud’a na, mi djin ad’enga furum d’igi d’i’â na. Ni kayam ndata ba, duniyad’a nga kaka ngingring, nga d’i giget tuo ni na.

Sawal la giled’a 66:3

Agi dagi mAlona ala: Sun manga ni sun nda ndandala. Yam ad’eng manga, mang suma djangûna a hulong yazi kä avorongû.

Sawal la giled’a 65:6

Alo man ma suta, kayam d’ingêr manga ang nga hulongômi humba nata ahle suma atchapma. Ni ang tu ba, suma yam andagad’ina pet ki suma avun dabid’a halum ma ngolîna, a tin huruzi ni kangû.

Sawal la giled’a 62:11

Agi tinigi hurugi yam ahle suma a b’ad’azi kad’engina d’i, agi tinigi hurugi yam ahle suma hurumba d’uo mi. Le ahle magina a zul heî pî, agi tinigi hurugi kazi d’i.

Wana ni mbaktumba hi Job-pa 37:19

Ang tagami vama ami ndak á dumzina, ami ndak á dum va d’i abo bei we mamid’a.

Wana ni mbaktumba hi Job-pa 36:26

Gagazi, Alona mi kal ngola, ei ndak á wäd’u ngol mam ndata d’i; sana mi ndak á hal ad’u biza mamba d’uo mi.

Wana ni mbaktumba hi Job-pa 26:14

Wana ni sun mamba vunat ma akid’eina; ei humut ni hina nde nde wü d’a. Wani ni nge ba, mi ndak á wäd’u breîd’a hi sib’ik mambid’a ge?

Wana ni mbaktumba hi Job-pa 12:13

Ned’a ki sib’ika a fazi nata Alona, d’ala ki wad’ud’a a fazi natam mam mi.

Wana ni mbaktumba hi Job-pa 9:19

Le ni zla d’a ad’enga ni, mam mi Ma ad’engêm kal petna! Le ni zla d’a ka sariyad’a ni, ni nge ba, mba mi i ki sed’em ata yima ka sariyad’a ge?

Wana ni mbaktumba hi Job-pa 8:3

Na ni Alona mi b’lak sariya d’a d’ingêra woi zu? D’oze Ma ad’engêm kal petna mi b’lak zla d’a d’ingêra woi mi zu?

Wana ni mbaktumba hi Job-pa 11:8

Ti kal akulod’a dei; ang mba le ni nana ge? Zul mat ta yiyika kal yima azuleina; ang mba wat ni nana ge?

Wana ni mbaktumba hi Job-pa 25:2

Ad’eng nga kal teglesa kahle suma a mbut sana mandarîna a nabo Alona; mi tin nga b’leng nga halasa sä akulo gevem ata yam ma kaka.

Wana ni mbaktumba hi Job-pa 36:3

An mba ni feï ne manda nata yima deina, an mba ni de woi yam d’ingêra hAlo ma lanid’a.

Wana ni mbaktumba hi Job-pa 37:22

B’o d’a nga d’i b’o d’igi lora na d’a, ti tcholï nabo ma norâ; wile d’a lang mandarid’a, ti ngui nga Alona kä.

Ma tchi wala 7:24

Vama nga na mi sä ni woi dei, mi ni zula yiyik. Ni nge ba, mi ndak á wum ad’um tetet ke?

Ezekiyel 33:11

Ang dazi ala: An Salad’a Ma didin ma bei matna ba na ni dala: An min nga d’ala sama tchona mi mid’a d’a d’i, ar mi mbut hurum yam tcho mamba, ar mi kak karid’a. Agi hulongôgiya, agi hulongôgi woi kur sun magi d’a tchod’a. Agi Israel-lâ, ni kayam me ba, agi tchagi tagi woi ge?

Sawal la giled’a 62:12

Alona mi de zlad’a yam tu; an hum yan mbà mi dala: Ad’enga ni manda!

Sawal la giled’a 145:3

Ma didina, angî ma ngol ma ndak á suburina; ngol manga dabi mata nga d’i.