Wana ni mbaktumba hi Job-pa 37:16 - Bible azumeina

¹⁶ Ang we ni nana ba, d’ugula nga d’i ngui tita akulo abo tat tu ge? Ni sun nda atchapa hi mam ma ne mamba ti ndak memetna mi d’uo zu?

Wana ni mbaktumba hi Job-pa 37:16 Referans Kwoze

Wana ni mbaktumba hi Job-pa 36:4

Gagazi, zla manda nga ni zla d’a kad’a d’i. Ni sama irat ma ne mamba ndak memetna ba, mi nga zlapa ki sed’engû.

Isai 40:22

Ma didina mi ni kaka akulo yam nguid’a handagad’id’a. Suma a nga kaka kurutna a ni gugureid’a d’igi djera na avoromu, mi b’eng akulod’a woi d’igi baru d’a afefeta na, mi b’engêt tei d’igi zlub’u mamba na á minit yi mam ma kaka.

Sawal la giled’a 147:5

Salad’a ni ma ngolâ, mi nga kad’eng nga kal papad’a, d’al mama ni ma bei dabid’ina mi.

Sawal la giled’a 104:24

Ma didina, sun mang nga ang lata ti zul heî; ang lat pet ni ki ned’a, andagad’a ti oî kahle suma ang lazina.

Wana ni mbaktumba hi Job-pa 36:29

Ni nge ba, mi wäd’u tinda hi d’ugulid’a ge? Ni nge ba, mi wäd’u breî d’a ata yi mam ma kakid’a ge?

Wana ni mbaktumba hi Job-pa 26:8

Mi duk nga mbina aduk d’ugul mamba, d’ugula ti ndak á tcho abo aneka hi mbiyo mamid’a d’i.

Wana ni mbaktumba hi Job-pa 5:9

Mam mi sama mi lahle suma nglo suma sana mi ndak á vazi ad’uzi woi d’uo na, ni sama lahle suma atchap suma sana mi ndak á ndumuzi d’uo na mi.

Wana ni mbaktumba hi Job-pa 37:5

Alona nga mi lahle suma atchapma ata yima nga mi breîna, nga mi lahle suma nglo suma ei ndak á weizi ad’uzi d’uo na mi.

Wana ni mbaktumba hi Job-pa 37:14

Job, ang tin humang ang hum ahle ndazina, ang tchol hina djang á wäd’u sun nda ndandala hAlonid’a!

Wana ni mbaktumba hi Job-pa 37:15

Ang we ni nana ba, Alona nga mi tak lovota mahle ndazina, d’ugula nga d’i b’rau woi ki wiled’a teteng mi ge?

Wana ni mbaktumba hi Job-pa 37:17

Ang we ni nana ba, baru mangâ mi vang tang d’ut ata yima andagad’a ti b’leng kä djedjet abo simet ma abo ma sutnina ge?

Sawal la giled’a 78:4

Ei mba ngeyeizi mi gureina d’i. Wani ei mba dei woi mandjaf ma nga mi mba bugolâ, yam subura hi Ma didinid’a, yam ad’eng mamba ki sun nda ndandal la mam lata mi.