Wana ni mbaktumba hi Job-pa 36:26 - Bible azumeina

²⁶ Gagazi, Alona mi kal ngola, ei ndak á wäd’u ngol mam ndata d’i; sana mi ndak á hal ad’u biza mamba d’uo mi.

Wana ni mbaktumba hi Job-pa 36:26 Referans Kwoze

Sawal la giled’a 90:2

Avok kid’a ang bei lahuniyôna kandagad’a ki duniyad’a tua d’a, adjeu dei gak ini burâ ki burâ angî Alona.

Sawal la giled’a 145:3

Ma didina, angî ma ngol ma ndak á suburina; ngol manga dabi mata nga d’i.

1 Korente-na 13:12

Ki tchetchemba, ei nga wei woi tetet ti, d’igi sana nga mi gol tam kur kotroma na. Wani ata yi máma ei mba wei tei ira ki ira. Wani ki tchetchemba, an we nga tetet ti, wani ata yi máma an mba ni we woi tetet d’igi Alona nga mi wan tetet na mi.

Wana ni mbaktumba hi Job-pa 37:23

Ei ndak á tchei sä ata Ma ad’engêm kal petna d’i; ad’eng mamba ti kal heî, d’ingêr mamba ti kal heî mi, wani hina pet pî nga mi le ir sa d’i.

Wana ni mbaktumba hi Job-pa 37:5

Alona nga mi lahle suma atchapma ata yima nga mi breîna, nga mi lahle suma nglo suma ei ndak á weizi ad’uzi d’uo na mi.

1 Amuleina 8:27

Gagazi, na ni ang Alona ndak á kak yam andagad’a ka hî zu? Akulod’a ki ngolot pet pî, ti ndak nga kang nguo d’ou d’a d’igi gong nga an minit ngiyeû wanda ba mba d’i ndagang zu?

Wana ni mbaktumba hi Job-pa 26:14

Wana ni sun mamba vunat ma akid’eina; ei humut ni hina nde nde wü d’a. Wani ni nge ba, mi ndak á wäd’u breîd’a hi sib’ik mambid’a ge?

Hebre-na 1:12

Ang mba d’ud’uzi d’igi baru d’a ngola na, ang mba mbud’uzi d’igi barud’a na. Wani ang nga mbut ti, bizang mba d’i dap puo mi.

2 Pierre 3:8

Wani buniyôn suma od’a, agi maragi yam zla d’a tu d’a wanda d’i: Bur tu ir Salad’a ni d’igi bizad’a dubu na, biza d’a dubud’a ni d’igi burâ tu na mi.

Wana ni mbaktumba hi Job-pa 10:5

Burungî d’igi burâ hi sanina na zu? bizangî d’igi bizad’a hi sanid’a na

Wana ni mbaktumba hi Job-pa 36:25

Suma pet a wad’u, a tcholza woi hina dei á gola.

Wana ni mbaktumba hi Job-pa 36:27

Nga mi tok mbina, nga mi mbud’um a mborogeid’a, nga mi sum alona mi.