Wana ni mbaktumba hi Job-pa 35:9 - Bible azumeina

⁹ Suma a nga tchi abo djop vun ma suma nga djobozizi ngolâ heîna, a nga yi sama ndjunda abo murud’um mba suma ablaud’a a nga lazizid’a.

Wana ni mbaktumba hi Job-pa 35:9 Referans Kwoze

Buzuk ka Abud’a 2:23

Bugol la biza d’a ablaud’a kala, amul ma Ezipte-na mi mid’a. Israel-lâ a nga zam tazi abo magom mba a nga lazizid’a, a nga tchi mi. Tchi mazi ma abo magombina mi i gak mi fAlona.

Wana ni mbaktumba hi Job-pa 34:28

A le suma kid’aka gagak tchi mazina mi i fAlona, mam tam pî mi hum tchina hi suma hohoud’ina mi.

Sawal la giled’a 43:2

Alo mana, angî ma ndjununa. Ni kayam me ba, ang gan ndei na ge? Ni kayam me ba, ang aran kur ndaka abo man suma djangûna na ge?

Sawal la giled’a 12:5

ki suma a nga dala: Ami mba kuzumi ayîna ki vunamiya, ami nga ki vunami á de zlad’a; ni nge ba, mba mi te kami ge na mi.

Sawal la giled’a 10:15

Ang kus yam sama asa’atna, ang ngobom yam tcho mam mba mi lata gak irang wat tuo d’a.

Wana ni mbaktumba hi Job-pa 40:9

Ata yi máma an mba ni hang ngola, kayam abong ma ndjufâ mi ndak á sud’ungû.

Wana ni mbaktumba hi Job-pa 24:12

Suma a nga lá matnina a nga tchi hur azì ma ngolâ, suma a fe dakina a nga tchi ki delezi akulo, wani Alona mi tin nga humam yam tcho mazi d’a b’lak ndrozina ndata d’i.

Wana ni mbaktumba hi Job-pa 12:19

Nga mi yo suma ngat buzuna magomba, nga mi tchuk suma te yamba kä.

Buzuk ka Abud’a 3:9

Ki tchetchemba, tchina hi Israel-lîna mi i gak mi fan sä akulo. An we djop vun ma Ezipte-na a nga djobozizina.

Buzuk ka Abud’a 3:7

Mi dum kua ala: An we djop vuna hi man suma avo Ezipte-na, an hum tchi mazi ma abo suma a nga djobozi vunazina, kayam an we ta mazi d’a ted’a.

Buzuk ka Abud’a 22:23

Le agi lazi ndaka, azi tchi kan an Ma didina ni, an mba ni hum tchi mazina.

Gat ta a hat á mbàd’id’a 24:15

Agi hum bege mam mba mi le sunda kat burâ tud’a bei afata nika, kayam mam mi sama houd’a, nga mi le lilinga á ve bege mamba d’i. Le hina d’uo ni, mba mi tchi avok Ma didina kagiya, zlad’a mba d’i vagiya.

Wana ni mbaktumba hi Job-pa 20:19

Kayam mi le suma hohoud’a ndaka, mi arazi woyo, azì ma mam yom abozi kad’engina, mi hulong mi minim nga akulo d’i.

Wana ni mbaktumba hi Job-pa 35:8

Asa’at manga ti b’la’î sama d’igi ang na na, d’ingêr manga ti le ni sana goroma tam djivid’a hol.

Ma tchi wala 4:1

An we djop vun ma suma a nga djobom mi suma yam andagad’a ka hina kua. Gola! Suma a nga djobozi vunazina a nga tchiya, sama mba mi d’igilizi irazina mi nga d’i. Suma a nga djobozi vunazi burâ ki burîna a nga kad’enga kaziya, wani sama mi mba á d’igilizi irazina mi nga d’i.

Wana ni mbaktumba hi Oze-d’a 7:14

Ata yima azi nga yana, a nga yan ki hur ma tuna d’i, wani azi nga tchi kur azang mazina, azi nga ze tazi d’igi suma bei wanina na á fe gemena, á fe guguzlud’a mi. wani azi nga son vunanu.