Wana ni mbaktumba hi Job-pa 34:33 - Bible azumeina

³³ Na ni Alona mba mi ngop sa máma yam zla manga zu? Djib’er manga na na ge? Ang min d’oze ang min nduo zu? Nga ni zla manda d’i. Vama ang wuma, ang dum mbeyo!

Wana ni mbaktumba hi Job-pa 34:33 Referans Kwoze

Sawal la giled’a 135:6

Vama lara ma Ma didina mi min luma mi lumu, mi lum kur akulod’a, yam andagad’a, kur alum ma nglona, kur zul galilei mazina pet mi.

Wana ni mbaktumba hi Job-pa 33:32

Le ang nga ki zla d’a hulonga ni, ang de, kayam an min mbud’ung zla manga d’ingêr.

Hebre-na 11:26

Mi djib’er ala mi fe ndaka yam Christ ni vama ndjondjoîna kal ndjondjoî d’a Ezipte-d’a, kayam mi tin iram yam wurak ka sä avoromba.

Hebre-na 2:2

Le zla d’a malaikana tchat walata ni zla d’a irata, le sama lara ma tchila kat toze mi sot vunatna mba mi fe wurak mam mba ndaka,

Romê-na 11:35

Ni nge ba, mi hum va avok tala mam hulong mi wuragam balumu d’a ge?

Romê-na 9:20

Wani ang sana, angî nge ba, ang hulong zla d’a ded’a mAlona ge? Deina mba mi de mi sama minima ala: Ni kayam me ba, ang minin hina ge zu?

Isai 45:9

Ni zla d’a hohoud’a yam vama nga mi tchi tuguyod’a ki sama minima. Dei ma aduk dei ma andagad’a ma mba mi de mi sama minima ala: Ang le ni me na ge na nga zu? D’oze vama sana mi luma mba mi de mi sama mi luma ala: Na ni abong mi nga ko zi ge zu?

Zla d’a d’ogolâ 11:31

Le sama d’ingêrâ nga mi fe wurak mamba yam andagad’a ka hî ni, sama asa’atna ki ma le tchod’a a mba fe wuraka ngola kal luo zu?

Wana ni mbaktumba hi Job-pa 41:11

Andosâ nga mi buzuk kei atchinam d’igi vama nga mi yaku kur deinina na, d’igi dei ma akud’a gum kukurangâ na mi.

Wana ni mbaktumba hi Job-pa 34:11

Mba mi wurak nge nge pî yam sun mam mba mi lata, mba mi he mi nge nge pî yam vama mi luma mi.

Wana ni mbaktumba hi Job-pa 33:5

Le ang ndaga ni, ang hulongôn humba; ang min tangû, ang tchol akulo avoronu!

Wana ni mbaktumba hi Job-pa 18:4

Ang ma b’lak tang ngei kur ayî mangîna, a mba mbut andagad’a vama hawana kayam ang zu? A mba djok ahinad’a woi yima dingâ kang ang zu?

Wana ni mbaktumba hi Job-pa 15:31

Ar mi tin hurum yam vama hawa ya’â á lop tam mbi, kayam a mba wuragamî ki vama hawa yak máma.

Wana ni mbaktumba hi Job-pa 9:12

Ni nge ba, mba mi hulong ve vama mam hluma ge? Ni nge ba, mi dum ala: Ang le na ni me ge ge?

Wana ni mbaktumba hi Job-pa 34:34

Suma wäd’u zlad’a a mba de ni d’igi an na, suma ne suma a hum zla mandina, a mba de hina ala:

Jeremi 25:28

Le azi min ve kop ma süm ma ayî máma abong á tched’a d’uo ni, ang dazi ala: Ma didin ma ad’engêm kal petna mi dala: Agi mba tchumu!

Sawal la giled’a 50:21

Wana nahle suma ang lazina, an nga kaka mudjuk. Kayam ndata, ang djib’er ala an ni d’igi ang na. Wani an nga ni ngobongû, an mba ni tagangzi woi irang pid’ak mi.