Wana ni mbaktumba hi Job-pa 33:24 - Bible azumeina

²⁴ Alona mba mi wum hohowomu, mba mi de mi malaikana ala: Ang prud’um mbeyo, aram mi nde kä kur zula d’i, kayam an fe wa vama wurak kama da’.

Wana ni mbaktumba hi Job-pa 33:24 Referans Kwoze

Matiye 20:28

Hina mi, an Gor Sana ni mba nala suma a lan sunda d’i, wani an tanda ni mba ná le sunda mi suma, ná he tan á matna á wurak yam suma ablaud’a mi.

Wana ni mbaktumba hi Job-pa 33:18

á ngomom muzugam tala mi nde kur zula á tchum ki mbigeu d’a fiyaka d’uo mi d’a.

1 Timote 2:6

Ni Ma he tam vama wuraka yam suma pet á le glangâs zla ndata ata yima a ngama ala Alona min suma pet a fe suta.

Zakari 9:11

Ma didina mi dala: Yam vun man ma djin ma ki sed’egi yam buzuna hi vama ngat buzunina, an mba ni tchuk magi suma a nga kä kur golong nga bei mbina ba d’ina akulo.

Wana ni mbaktumba hi Oze-d’a 14:4

Ma didina mi dala: An mba ni sut Israel-lâ woi kur sun mazi d’a ata yat tuo d’a, an mba ni tagazi o man nda gagazi d’a kazid’a, kayam ayî mana mi vat tei kazi da’.

Wana ni mbaktumba hi Job-pa 22:21

Ang min zla manga kAlona, ang mba kak ki halasa. Ni hina ba, ang mba kak ki djivid’a mi.

Buzuk ka Abud’a 33:19

Ma didina mi de mi Moise ala: An mba ni tagang djivi manda woi avorong pet, an mba ni yang simiyên an Ma didina woyo, an mba ni ve sumad’a ki sama an min vum sumad’ina, an mba ni we hohowa sama an min wum hohowoma mi.

Jeremi 31:20

Ma didina mi dala: Efraim goron ma an le kam heîna ni goron ma tan lan djivid’a kama. Ata yima lara ma an nga ni ngoboma, an nga ni djib’er kam teteu, an nga ni hat hurun kam ngola, an nga ni ar bei wum hohowom mbi.

Sawal la giled’a 86:15

Wani Salad’a, ang tu nAlo ma we hohowa sumina, ni ma sumad’a; ang nga tchol kayîna atogo d’i, angî ma o mang nga didinda zul heîna, angî ma d’engzengâ mi.

Sawal la giled’a 86:13

Kayam o mang nga didin nda ang lat kanda, ti kal ngola heî; kayam ang prud’un ndei ata yima azuleina mi.

Sawal la giled’a 86:5

Salad’a, angî ma djivina, angî ma vat hurung ngei yam sana atogo za’â; o mang nga didinda ti zul heî yam suma a nga yangâ.

Sawal la giled’a 71:3

Ang mbut nahina man nda an ngei tan kuad’a, ni yima ang he vuna kam ala an i kua teteu á sut tanu na, kayam angî ahina manda ki gulumun man ma ngei tana.

Sawal la giled’a 40:2

An tin hurun yam Ma didina; mi mbut iramu, mi hum tchi mana mi.

Sawal la giled’a 22:4

Wan pî, angî Alo ma bei tchod’ina, ang nga kaka yam zlam manga, Israel-lâ a nga gileng teteu mi.

Wana ni mbaktumba hi Job-pa 36:18

Ar ayî mangâ mi ing kur lasa d’i, ar he d’a hawa d’a ngol la a hangzi gumunda ti pugung nguo mi.

Wana ni mbaktumba hi Oze-d’a 14:2

Agi mbeyegï ki zla d’a avunagid’a gen Ma didina, agi dum ala: Ang vat hurung ngei yam tchila mamid’a pet, ang vami atang ki djivid’a. Ami mba suburung ki vunami kal la ami hang amuhlîd’a.

Wana ni mbaktumba hi Job-pa 33:25

Hliwim mi hulong kal ma hi gogorina, mi mbut ni d’igi mam tam kazongômba na.

Wana ni mbaktumba hi Job-pa 33:28

Wani mi prud’un ndei tala an kal kä kur zula d’uo, an mba ni we b’od’a kua d’a!

Sawal la giled’a 107:20

Mi sunuzi zla mamba, mi sud’uzi woyo, mi prud’uzi woi avun matna.

Isai 53:5

Wani mi fe mbilâ yam tcho meid’a, a mired’emî yam tchila meid’a. Ni to d’a a tomba ba, ti mbeï ki b’leng nga halasa; ni kayam duru mamba ba, ei fei ki suta.