Wana ni mbaktumba hi Job-pa 31:32 - Bible azumeina

³² Akoina mi bur nga woi abu yam tu d’i, wani an mal vun agre’â woi mi ma tita.

Wana ni mbaktumba hi Job-pa 31:32 Referans Kwoze

Hebre-na 13:2

Ar agi maragi yam akoi ma led’a d’i. Ata le d’a hina d’a, suma dingâ a ve malaikana atazi bei a wazi ala a ni malaikana ba.

1 Pierre 4:9

Agi lagi akoina bei gureîd’a.

Romê-na 12:13

Ar agi ndjunugi b’oziyogi suma a nga kur kid’akina. Ar agi lagi akoina ki furîd’a.

Matiye 25:35

Kayam meid’a ti tchanu, agi han tena; vunan mi so, agi han mbiyo ma tched’a; an mba akoid’a, agi van avo hatagi mi.

1 Timote 5:10

ni d’a suma a le glangâsâ yam sun mat ta djivid’id’a, ni d’a nga d’i ngom grotna djivid’id’a, ni d’a lakoyogeinid’a, ni d’a mbus asem suma hAlonid’ina, ni d’a ndjun suma hohoud’id’a, ni d’a le sunda djivi d’a lara ge pet mi.

Matiye 25:40

An amulâ mba ni hulongôzi ded’a ala: Gagazi, an nga ni dagiya, vama agi lum ki ma gor ma kid’ak aduk b’oziyon suma wanina, agi lumî mi anu.

Isai 58:7

agi b’rawagi te magina ki suma meid’a tchazina, agi vagi suma hou suma a nga ki yima kaka d’uo na avo hatagi mi. Le agi wagi sana gandilad’a ni, agi zlubum baruna atamu, agi hagi azigagi mi simiyêgi d’uo mi.

Suma ka sariyad’a 19:15

Azi hle lovot ta i Gibeya-d’a. Ma hi Levi-na mi kal kur azì ma ngolâ, mi tchol ata yima hur azì ma ngolîna d’ad’ar, mi fe nga sa tu ma vazi á bur avo hatama d’i.

Suma ka sariyad’a 19:17

Mi hle iram akulo, mi we sama akoid’a mi nga tchola ata yima hur azì ma ngolîna d’ad’ar. Sama mamarâ mi dum ala: Ang i nara ge? Ang tcholï ni lara ge?

Wana ni mbaktumba hi Job-pa 31:31

Suma avo hatana a de nga ala: Ni nge ba, mam hobom nga ki hliu mama d’uo ge d’uo zu?

Wana ni mbaktumba hi Job-pa 31:33

An ngei nga yam tcho manda kä d’igi suma petna a nga le na, d’oze an ngei nga tcho manda kä kurun nduo mi.

Wana ni mbaktumba hi Job-pa 29:16

An mbut nabud’a hi suma houd’a, an hal ad’u zlad’a hi sama suma a wum nga d’uo na.