Wana ni mbaktumba hi Job-pa 31:24 - Bible azumeina

²⁴ An tin nga hurun yam lora d’oze an de nga mi lor ra kal teglesa ala: An tin hurun ni kagu d’i.

Wana ni mbaktumba hi Job-pa 31:24 Referans Kwoze

Zla d’a d’ogolâ 11:28

Sama deng tam yam ndjondjoî mambina, mba mi puk kä, wani suma d’ingêrâ a mba d’uf d’igi aguna mi d’uf na.

Sawal la giled’a 52:7

Alona mba mi b’lagang ngei ki irang fafat, mba mi diging ngei kur aziyangû, mba mi pad’ang ngei aduk suma yam andagad’ina mi. Tchol ndjö

1 Timote 6:17

Ang he vuna mi suma ndjondjoî suma kur duniya d’a wandina, ar azi subur tazi d’i. Ar azi tin huruzi yam ndjondjoî d’a mba d’i dap peid’a d’i, wani a tin huruzi ni yam Alo ma nga mi hei ahlena pet ngola kayam ei lei furîd’a kaziya na.

1 Timote 6:10

Le yam beged’a ni sidei tcho d’a lara ge pet. Kur bege d’a hala suma dingâ a wal lei dei ki he gagazid’a, a nga ki djib’era d’igi azi tchi tazi kat na mi.

Zla d’a d’ogolâ 30:9

Le an nde kur duzîd’a ni, dam an mba ni tin vunan ni dala: Ma didina ni nge ge kla. Le houd’a kal kanu ni, dam an mba ni kula, ni ngulung simiyêng ang Alo mana kla.

Zla d’a d’ogolâ 10:15

Fed’a hi sama ndjondjoînid’a ni d’igi azì ma ngol ma ad’eng ma ngunguna na, wani b’laka hi suma houd’id’a ni hou mazid’a.

Sawal la giled’a 62:10

Gagazi, suma pet a ni d’igi simet ma sana fom ki vunama na, suma pet ni suma ka zlad’a. Le a hlazi pet ni ki kilona ni, azi nafefeta kal simet ma sana fom ki vunama.

Sawal la giled’a 49:17

Ata yima sana bege mamba nga d’i zulâ d’oze ndjondjoî mamba nga d’i i avogovo’â, ang hat hurung kat ti.

Kolos-sâ 3:5

Kayam ndata, agi tchagi ahle suma kurugi suma yam andagad’a ka hina woyo, nala, mizeuna, sun nda ndjendjed’a, e’eûd’a, a’arad’a ki d’od’ok ka tuwal fileina mi.

Wana ni Zla d’a Djivi d’a Luc mi b’irita 12:15

Mi dazi kua ala: Agi gologi tagi djiviya, ar agi lagi yam beged’a d’i, kayam ari d’a gagazid’a hi sanid’a nga ni yam ahle mam suma djivina d’oze yam ndjondjoîd’a d’i.

Ad’u Tinda 31:1

Wani Jakob mi hum zlad’a hi Laban groma d’a a nga dala: Jakob mi yo ahlena habuina pet; mi mbut sama ndjondjoîna ni kayam abuya d’a.

Marik 10:23

Jesus mi pret tam mi gol mam suma hata a nga tchola gevemu, mi dazi ala: Nad’enga heî ki suma ndjondjoîna á kal kur leud’a hAlonid’a.

Wana ni mbaktumba hi Job-pa 22:24

Ang tchuk lora woi aduk andaga d’a gugud’upa, ang tchuk lor ra Ofir-ra woi aduk grei ma kur alumina.

Jeremi 9:23

Ma didina mi dala: Ar sama ned’a mi subur tam ala mam mi ma ned’a d’i! Ar sama ad’engâ mi subur tam ala mam mi sama ad’engâ d’i! Ar sama ndjondjoîna mi subur tam ala mam mi ma ndjondjoîna d’uo mi!

Ezekiyel 28:5

Yam we mang nga kal heîd’a ki mbut abo mangâ, ang tok ndjondjoîd’a ngola; yam ndjondjoî manga, ang hle yang akulo.