Wana ni mbaktumba hi Job-pa 30:25 - Bible azumeina

²⁵ Adjeu sama nga kur ndakina, an nga ni tchi kam ki simina iran nduo zu? Hurun nga mi hat yam sama nga kur kid’akina mi d’uo zu?

Wana ni mbaktumba hi Job-pa 30:25 Referans Kwoze

Romê-na 12:15

Ar agi lagi furîd’a ki suma a nga le furîd’ina. Ar agi tchigi ki suma a nga tchina mi.

Jeremi 13:17

Le agi humugi nga gat ndata d’uo ni, an mba ni tchi yam yam mba ad’eng magid’a gumunu, simina mba mi oî iranu, mba mi djang kä, kayam suma hi Ma didinina a mba izi magomba.

2 Korente-na 9:9

D’igi mbaktumba hAlonid’a ti de na ala: Sama djivina mi b’rau ahligiyem mi suma houd’a; djivi mam mba led’a nga d’i dap puo mi.

Jean 11:35

Jesus mi tchiya.

Wana ni Zla d’a Djivi d’a Luc mi b’irita 19:41

Kid’a mi mba go kazì ma ngol ma Jerusalem-mid’a, mi wumu, mi tchi kamu.

Daniel 4:27

Ni kayam ndata ba, amulâ, ar ang ve d’al ma an nga ni dangzina, ang ar tcho manga ki tchila manga woyo, ar ang le sun nda d’ingêra, ang we hohowa suma hohoud’a. Hina wani, dam kak mang nga djivid’a mba d’i i avogovok kla!

Jeremi 18:20

Na ni a mba hulong tchod’a yam djivid’a zu? Kayam a djugot nga zula kä kan á tchan ndeyo. Ang djib’er yam tchol la an nga tchola avorong á dang zlad’a kazi tala ang b’leng hurung kazi ang lazi djivid’a d’a.

Zla d’a d’ogolâ 28:8

Sama nga mi i ndjondjoî mamba avok ki bege d’a mi hat mi suma ki mbiyo ma ngolîd’a, mi togot ni mi sama nga mi hahlena mi suma kid’akina.

Zla d’a d’ogolâ 19:17

Sama nga mi we hohowa sama kid’akina, mi tin ni balâ yam Ma didina, mam mi Ma mba mi wuragam yam sun mambina.

Zla d’a d’ogolâ 17:5

Sama nga mi las sama houd’ina, mi ngulî Salam ma luma, sama nga mi san ad’u sama ndaka mba kama, a mba ba bei gad’am mbi.

Zla d’a d’ogolâ 14:31

Sama nga mi djop vun sama kid’akina mi ngulî Salam ma luma, wani sama mi we hohowa ma hohoud’ina mi suburî Salam ma mi luma.

Zla d’a d’ogolâ 14:21

Sama mi gol ndrama isâ mi le ni tchod’a, wani sama mi we hohowa ma hohoud’ina mi le furîd’a.

Sawal la giled’a 12:1

Ni sawal la David mi hlat kading ma ziyom klavandina, mi hat mi ma ngolâ hi suma hle sawalina.

Wana ni mbaktumba hi Job-pa 24:4

A nga vit suma houd’a woi kur lovota, a nga orom suma hohou suma yam ambasina á ngei tazi ata yima tuna.

Wana ni mbaktumba hi Job-pa 29:12

An sut ma hou ma nga mi yi ala a ndjunumu na, ki ma hokuyo ma sama ndjunum nga d’uo na mi.

Wana ni mbaktumba hi Job-pa 29:16

An mbut nabud’a hi suma houd’a, an hal ad’u zlad’a hi sama suma a wum nga d’uo na.

Wana ni mbaktumba hi Job-pa 31:31

Suma avo hatana a de nga ala: Ni nge ba, mam hobom nga ki hliu mama d’uo ge d’uo zu?