Wana ni mbaktumba hi Job-pa 3:21 - Bible azumeina

²¹ Ni suma a nga hal matna a nga fum mbuo na, ni suma a nga le d’od’oka kam kal ndjondjoîd’ina.

Wana ni mbaktumba hi Job-pa 3:21 Referans Kwoze

Vama ndum mbeina 9:6

Kur til ma vahl máma, suma a mba hal matna, wani azi mba fum mbi, azi mba min ala matna mi tchaziya, wani mam mba mi ring ngei avoroziya.

Zla d’a d’ogolâ 2:4

le ang nga halat d’igi suma a hal beged’a na, le ang nga halat fufut d’igi suma a hal ndjondjoîd’a na ni,

Jonas 4:8

Kid’a afata deîd’a, Alona mi mba ki simet ma hluruk d’igi d’üguna na na. Afata ti nde yam Jonas, mi seyâ, mi tchen Alona ala mi tchumu. Mi dala: An mit pî ni hotei, kal la an kak ki iranda!

Jonas 4:3

Ki tchetchemba, Ma didina, ang tchanu! An mit pî ni hotei, kal la an kak ki iranda!

1 Amuleina 19:4

wani mam tamba mi i iram abagei hur fulâ, mi le burâ sop ki tita, mi i kak kä ad’u agu ma gorâ, mi tchen Alona ala mi mid’a. Mi dala: Ma didina, ki tchetchemba, an ndak wa ang hlan muzuganu, kayam an kal nga abuyon ngolo d’i.

Ndumba 11:15

Le ang lan ni na ni, hotei ang tchanu. Le ang wan hohowonu ni, ar an we ndak manda ki iran ndi.

Wana ni mbaktumba hi Job-pa 3:22

A le furîd’a ki hur ma hapma, ata yima a i kä azuleina!

Jeremi 8:3

Andjaf suma a mba ar aduk andjaf suma asa’at suma an mba ni ndjoyôzi woi ata yima lara ge petna, a mba dala azi bo pî ni hotei kal la azi kak ki irazi d’a. An Ma didin ma ad’engên kal petna ni de na.

Wana ni mbaktumba hi Job-pa 6:8

Ladjï a han vama an tchenema ni, ar Alona mi ndak vun hur man ma tinda.

Wana ni mbaktumba hi Job-pa 6:9

Le djivid’a ir Alona ni, ar mi tchan ndeyo, ar mi hlabom mi dogon ndei mi.

Wana ni mbaktumba hi Job-pa 7:15

An min sana mi gulud’un delenu, an min matna kal asogon ma ar tchuka woi tcha wana.

Wana ni mbaktumba hi Job-pa 11:20

Wani suma asa’atna irazi mba d’i zal leyo, a mba fe yima ngei tazina d’i, hur mazi ma tinda ni matna mi.

Ma tchi wala 4:2

An djib’er ala suma a bo da na a nga ki furîd’a kal suma a nga ki irazina.