Wana ni mbaktumba hi Job-pa 3:19 - Bible azumeina

¹⁹ Ni yima kemba ki suma nglona a nga kuana, ni yima magoma mi wal lei ki salama kuana mi.

Wana ni mbaktumba hi Job-pa 3:19 Referans Kwoze

Wana ni mbaktumba hi Job-pa 30:23

An wala ang mba in kur matna ata yima suma arina a mba i kuana.

Hebre-na 9:27

Alona mi dala sama lara pî mi mit yam tu, bugol mi kam sariyad’a kamu.

Ma tchi wala 12:7

Ang mba le mandarâ abo ahle suma fuyogeina, ang mba le mandarâ abo ahle suma gloveina, tumuzung mba d’i mbut hapa d’igi b’od’a hagu amandenid’a na, ang mba gal d’igi djer ra ndjongâ na d’uo d’a, zlezleû manga mba d’i dap pei mi. Kayam sana nga mi i ata yam ma kak ma didina, suma tchina a mba tit ir palumba mi.

Ma tchi wala 12:5

Kur bur máma suma a nga ngom vun azinina a mba zlaga, suma gangrangâ a mba dodong kä, suma a nga lutna a mba ar bei lutna kayam azi ar akid’eid’a, suma a nga gol ir fenetred’ina a mba we zizimit.

Ma tchi wala 8:8

Sana mi nga kad’enga á d’el simetna d’i. Hina mi, mi ndak á d’el tam bei matna d’uo mi. Ata yima ayî ma durâ mi nga na, sama mi prut tam mbeina mi nga d’i. Hina mi, asa’ata ti ndak á sut salat ma mi latna d’uo mi.

Sawal la giled’a 49:2

Agi suma pet, ar agi humugiya! Agi suma nga kaka yam andagad’ina, agi suma bei subura ki agi suma subura, agi suma ndjondjoîna ki agi suma houd’a mi, ar agi tinigi humagiya!

Wana ni mbaktumba hi Job-pa 3:18

Ata yi máma suma dangeina pet a nga kaka kua tchugot, ata yi máma a nga hum del sama djop vun sa kua d’uo mi.

Wana ni mbaktumba hi Job-pa 3:20

Ni kayam me ba, a ar yina mi b’o yam sama nga kur ndakina ge? Ni kayam me ba, a ar suma a nga ki hur ma wuranina a kak ki irazi ge?

Wana ni mbaktumba hi Job-pa 21:33

Andaga d’a zigat ta kur horid’a tafefeta atamu. Suma pet a nga i bugol mad’amu, suma ablaud’a a nga i avorom mi!

Wana ni mbaktumba hi Job-pa 21:26

Azi ki zla tazi djak a bur kä aduk andagad’a; atogo hina zak ndjuvulâ mi tchuguziya.