Wana ni mbaktumba hi Job-pa 3:10 - Bible azumeina

¹⁰ Kayam ti d’el nga lovota masun á van wirin ndi, ti ngeyen nga ndaka woi iran nduo mi!

Wana ni mbaktumba hi Job-pa 3:10 Referans Kwoze

Jeremi 20:17

Ladjï Alona mi tchandja kur asun bei vuta go ni, hotei! Ladjï asun ndi ar wa ni d’igi asuwan na ni, hotei! Ladjï an baza kur asun ki iran fafad’u ni, hotei!

Wana ni mbaktumba hi Job-pa 23:2

Gak ini tchi mana mi mbut ni vama kak djangû mana. An ndak nga á ve vun zam ta manda kä d’i.

Wana ni mbaktumba hi Job-pa 10:1

Job mi de kua ala: An gol kak manda ni vama ndjendjed’a iranu. An mba ni de zla yor ta manda woi abua. Kur hur man ma hat ma tchona, an mba ni de zla manda woi abua.

1 Samuel 1:5

Wani mi he mi Anne hliuna ngola kala, kayam mam le kat heî, wani Ma didina mi b’alat gendreged’a.

Ad’u Tinda 29:31

Ata yima Ma didina mi wala Jakob hurum ve nga Lea d’igi Rachel hina d’uo na, mi malat lovota á vuta, mi b’al Rachel gendreged’a.

Ad’u Tinda 20:18

Kayam adjeu Ma didina mi b’al arop suma avo hi Abimele’â gendreged’a, kayam mi ve Sara atchad’a hi Abraham-mba.

Wana ni mbaktumba hi Job-pa 3:9

Ar ti we avevel ma yorogona d’i! Ar ti djup yima fod’a tatâ, wani ti fum mbi! Ar ti djup gak ti we yima grad’a ki irat tuo mi!

Wana ni mbaktumba hi Job-pa 3:11

Ni kayam me ba, an mit sä kur asun nduo ge? Ni kayam me ba, muzugan mi dap sä ata yima an ndei woi kurutna d’uo ge?