Wana ni mbaktumba hi Job-pa 29:22 - Bible azumeina

²² Bugol zla manda, sa nga mi tchi tuguyo d’i; zla manda nga d’i yak kazi kä d’igi mbad’ïd’a na.

Wana ni mbaktumba hi Job-pa 29:22 Referans Kwoze

Gat ta a hat á mbàd’id’a 32:2

Ar d’al ma an duma mi b’rau woi d’igi alo ma sed’a na. Ar hat manda ti b’rau woi d’igi mbad’ïd’a na, d’igi mbiyo ma kus sei yam asu ma mi deî awilina na, d’igi mbiyo ma yak yam asu ma mi deî awilina na mi.

Matiye 22:46

Adigazi sama ndak á hulongôm zla d’a ded’a nga d’i. Bugola, sama ve tam á djobom zlad’ina nga d’uo mi.

Isai 52:15

Andjaf suma ablaud’a a mba le atchap kamu, amuleina a mba duk vunazi yam zla mamba, kayam azi mba wäd’u vama a dazizi nga zlam yam tu d’uo na, a mba hum vama azi humum nga yazi tu d’uo na mi.

Sawal la kal teglesa 4:11

Amanda, vunak ma dalalâ mi sor kä d’igi mbul ayuma na, sinak ka de zlad’a ti ni d’igi mbul ayuma kambira na, hisâ hi baru ma’îna mi his afufuîd’a d’igi hisâ hagu ma Liban-na na.

Mise 2:6

A nga dan ala: Ang ar bei djok vuna, ar ang djok vun ma hina na d’i, ar zulona mi lami d’i.

Amos 7:16

Ki tchetchemba, ang Amasiya, ang hum zlad’a hi Ma didinid’a. Ang mala an djok vuna mi Israel-lâ d’uo an ngir hum andjafâ hi Isa’â d’uo mi na.

Wana ni mbaktumba hi Job-pa 29:10

Suma te yamba a seng silil, sinazi ti b’al akulo ata d’id’igazi mi.

Wana ni mbaktumba hi Job-pa 29:23

A djubun d’igi suma a djup alo ma sed’a na, a tin huruzi yam zla manda d’igi suma a tin huruzi yam alo ma hod’ogeid’a na mi.

Ezekiyel 21:2

Ang gor sana, ang mbut irang abo ma sutna hambasina, ang djok vuna mi suma a nga kaka aduk agud’a abo ma sutnina.

Wana ni mbaktumba hi Oze-d’a 13:1

Ata yima suma Efraim-ma a de zlad’ina, suma pet a le mandarâ. A hle yazi akulo yam andaga d’a Israel-la, wani a kud’or Bäl, zlad’a vaziya, a bo.

Mise 5:6

Andjafâ hi Jakob ma arâ mba mi kak aduk andjaf ma ablauna d’igi mbad’ï d’a ti tcholï ata Ma didinid’a na, d’igi alo ma mi se yam asunina na. A mba tin huruzi yam sa d’i, a mba ka’î yam sa d’uo mi.