Wana ni mbaktumba hi Job-pa 28:12 - Bible azumeina

¹² Wani ned’a a fat ni lara ge? Wad’ud’a ti nga ni ata yima larina ge?

Wana ni mbaktumba hi Job-pa 28:12 Referans Kwoze

Jacques 1:5

Wani le sana adigagi mi kid’ak ned’a ni, ar mi tchen Alona. Alona mba mi humziya, kayam Alona nga mi he mi suma pet hawa bei ngopa.

Wana ni mbaktumba hi Job-pa 28:20

Ned’a ti tcholï ni lara ge? Wad’ud’a ti nga kaka nata yima lara ge?

Zla d’a d’ogolâ 3:19

Ni ki ned’a ba, Ma didina mi le kandagad’a; ni ki wad’ud’a ba, mi sira kakulod’a mi.

Kolos-sâ 2:3

Ne d’a tetenga ki wad’ud’a hAlonid’a pet a nga ngeid’a kur Christ.

Jacques 1:17

He d’a hawa d’a djivid’a ki he d’a hawa d’a ndak memeta pet a tcholï nakulo abo Alo ma le b’od’ina, ni ma bei mbuta ba ma anguzam nga d’i pret tuo mi na.

Wana ni mbaktumba hi Job-pa 28:28

Bugola, mi de mi sana ala: Gagazi, le mandara Ma didina ni ned’a, wal tang ngei dei ki tchod’a ni wad’ud’a mi.

Sawal la giled’a 51:6

An le tchod’a ni mi ang tu gid’eng, an le tchod’a avorongû. Kayam ndata, suma a mba wang ma d’ingêrâ nata zla mang nga ded’a; ata yima ang ka sariyad’a kana, ang ni ma bei zlad’a kang ba na mi.

1 Amuleina 3:9

Wani Ma didina, ang han ned’a á te yam sum mangâ á wal djivid’a adigat ki tchod’a. Kayam sana mi ndak á te yam mang suma ablau ndazina ki ne mamba tata d’i.

Wana ni mbaktumba hi Job-pa 28:11

Nga mi d’el mbiyo ma mi djangâ, nga mi nde ki vama ngeid’a kä na woi pid’ak mi.

Wana ni mbaktumba hi Job-pa 28:23

NAlona tu ba, mi we lovot mata, ni mam tu ba, mi we yima ti tcholï kuana mi.

Ma tchi wala 7:11

Ned’a ti djivid’a kal vama ang tum djonina; gagazi, mbiyota nga kua yam suma kur duniyad’ina.