Wana ni mbaktumba hi Job-pa 27:2 - Bible azumeina

² Alona ni Ma bei matna, ni mam ba, mi noî á kan sariya manda, ni Ma ad’engêm kal petna ba, mi b’lagan muzuganu.

Wana ni mbaktumba hi Job-pa 27:2 Referans Kwoze

Wana ni mbaktumba hi Job-pa 34:5

Job mi dala: An ni ma bei zlad’a kana, wani Alona mi ndumun nga ma d’ingêrâ d’i!

2 Amuleina 4:27

Kid’a ti mba gen Elise yam ahinad’id’a, ti ge tat kä avoromu, ti vum asemu. Wani Gehazi mi min zud’ut teyo. Elise mi dum ala: Ang arat hina djang, kayam me ti nga ki hur ma hata ngola. An ni vita yam zla ndata, kayam Ma didina mi tagandji nga d’i.

Ndumba 14:21

Wani gagazi, an ni Ma bei matna, subur manda mba d’i oî yam andagad’a pet mi.

Ezekiyel 33:11

Ang dazi ala: An Salad’a Ma didin ma bei matna ba na ni dala: An min nga d’ala sama tchona mi mid’a d’a d’i, ar mi mbut hurum yam tcho mamba, ar mi kak karid’a. Agi hulongôgiya, agi hulongôgi woi kur sun magi d’a tchod’a. Agi Israel-lâ, ni kayam me ba, agi tchagi tagi woi ge?

Jeremi 12:16

Le azi a hat gata hi sum manid’a, le azi nga gun tazi ki simiyên ala Ma didina ni ma bei matna ba na d’igi adjeu azi hat sum mana a gun tazi ki simiyê Bäl na ni, an mba ni tinizi aduk sum mana tua.

Jeremi 5:2

Jeremi mi dala: Le a nga dala: Ami gunumi tami ki simiyê Ma didin ma bei matna ba na pî, ni gun ta d’a ir gurzulid’a hawa na.

Jeremi 4:2

Le agi gunugi tagi ki gagazid’a ki d’ingêra ki d’engzenga ala: Ma didina ni ma bei matna ni, ata yi máma andjaf suma dingâ a mba dan ala an b’e vunan kaziya, a mba subur tazi kan mi.

Isai 40:27

Agi Israel-lâ, agi suma hi Jakob-ma, mi kayam me ba, agi nga dagi ala: Zla manda ti ni ngeid’a ir Ma didina, sariya manda Alo mana mi wat nga d’uo ge?

Wana ni mbaktumba hi Job-pa 10:3

Na ni djivid’a irang á lang tchod’a, á gol vama ang luma is, á ndjun zla d’a suma asa’atna a nga huruzi kata zu?

Wana ni mbaktumba hi Job-pa 9:18

Mi nga mi aran an nga ni muzuk hina nde d’i, nga mi oyôn ni ki hur ma hat ma tchona.

1 Amuleina 18:15

Wani Elie mi dum ala: An nga ni dang ngei avok Alo ma bei matna ma ad’engêm kal pet ma an nga ni lum sundina, an gunung tanu, an nga ni tak tan ndei avok Ahap ini!

1 Amuleina 17:1

Elie ma Tisbe ma nga kaka Galät-na, mi de mamulâ Ahap ala: An nga ni dang ngei avok Ma didin ma bei matna Alona hi Israel-lâ ma an nga ni lum sundina: Gola! Biza d’a ar avok wanda wani, mbad’ï mba d’i ge d’i, alo mba mi se d’uo mi, gak bur ma an mba ni tchenema tua mbeî!

2 Samuel 2:27

Jowap mi hulong dum ala: Alona ni Ma bei matna! Ladjï ang dan hina d’uo ni, sum mana a mba ar b’oziyozina bei dika d’uo gak yina fö.

1 Samuel 25:34

Gagazi, Ma didina Alona hi Israel-lîna ni Ma bei matna; ni ma d’elen á lak tchod’ina. An nga ni dagu, adjï ndak b’ad’ï tak atogo zak á ngavan nduo ni, ndjivin yorogo sama aram bei tchid’a avo hi Nabal-lâ nga d’i.

1 Samuel 25:26

Ki tchetchemba, salana, gagazi Ma didina ni Ma bei matna, ang tang nga ki irang mi; ni Ma didina ba, mi d’eleng á tchi matna, á mbud’ung d’ingêr. Ma kal teglesâ, ar mang suma djangû suma a hal á lang tchod’ina, a mbut ni d’igi Nabal na.

1 Samuel 20:21

Ata yi máma an mba ni sun gogorâ, an mba ni dum ala: Ang i halanï yeûd’a. Le an dum ala: Gola! Yeûd’a blogong kä wana, ang yod’ïya ni, ang mbeya, ang mba kak ki halasa; zlad’a ding nga d’i; Ma didina ni Ma bei matna.

1 Samuel 14:45

Wani azigarâ a de mi Saul ala: Jonatan ma kus ayî ma ngolâ á sut Israel-lâ wa na, mi ndak á tchid’a zu? Nga na d’i! Ki simiyê Ma didin ma bei matna, ami min tumus sa kamba tu pî ti nde kä d’i, kayam mam dur ayîna kur bur máma ni kad’enga hAlonid’a. Ni hina ba, azigarâ a prut Jonatan ndei avun matna.

1 Samuel 14:39

An gun tan ki Ma didin ma bei matna ma suta hi Israel-lîna ala sama le tcho ndatina, le ni gorona Jonatan pî, a tchumu. Aduk azigarâ pet, sa hulongôm nga zla d’a de d’i.

Wana ni mbaktum mba a b’irit yam Rut-ta 3:13

Ndak bur kä; ndjivin yorogo ei mba weya. Le mi min vak djona ni, djiviya mi vagu; le mi min nduo ni, an da’î avok Ma didina, an mba ni vagu. Ndak bur kä to yorogo tua.

Wana ni mbaktumba hi Job-pa 16:11

Alona mi han abo suma tchona, mi han abo suma asa’atna atogo zak.

Wana ni mbaktumba hi Job-pa 19:6

Ar agi wagi ala nAlona ba, mi lan tcho ndata ni mamu, ni mam ba, mi nguyun kä kabei mamba mi.

Wana ni mbaktumba hi Job-pa 23:16

NAlona ba, mi tchugun tan susub’ok, Ni Ma ad’engêm kal petna ba, nga mi pad’an vunadiganu.

Wana ni mbaktumba hi Job-pa 35:2

Ata yima ang nga dala: An fe ni me, d’oze an fe ni djiviya me ata yima an ar tchod’a bei led’a ge na, ang djib’er ala zla manga ni zla d’a irata, d’oze ang mbut ni sama d’ingêrâ avok Alona zu?

Wana ni mbaktumba hi Job-pa 40:8

Ang ngeyezi kä aduk andaga d’a gugud’upa ki zla tazi pet, ang djinizi kä kur nduvunda.

Wana ni mbaktumba hi Job-pa 9:17

Ni mam ba, nga mi ndjireben ndei ki babar ma ngolâ, nga mi zulun mbuleina atan bei d’obot ba.