Wana ni mbaktumba hi Job-pa 26:2 - Bible azumeina

² D’igi ang we lovot ta djivid’a á ndjun sama amangeîna na! D’igi ang we lovota á sut sama ad’engêm nga d’uo na na mi!

Wana ni mbaktumba hi Job-pa 26:2 Referans Kwoze

Sawal la giled’a 71:9

Ki tchetchemba, an djeng wa mamara da’, ar ang noyôn ndei d’i, ata yima ad’engên nga d’uo na, ang aran ndei d’uo mi.

Wana ni mbaktumba hi Job-pa 12:2

Gagazi, zla magi d’a ded’a ni zlad’a hi suma hawid’a! Agi mba bogi ki ne ndata tum!

Wana ni mbaktumba hi Job-pa 6:25

Zla d’a de d’a gagazid’a ti nga d’i min sana, wani ngop magid’a zlat ni zla me ge?

Wana ni mbaktumba hi Job-pa 6:12

Ad’eng manda nad’enga hahinad’id’a zu? Hliwin mi mbut ni d’igi kawei ma hleuna na zu?

1 Amuleina 18:27

Kid’a afata tchol falei d’ad’ara, Elie mi nde mi lazizi ala: Agi eregi ad’ugi akulo ad’enga, kayam mam mi alona! Nga mi djib’er yam va kla, mi i kel kla, mi i nakoid’a kla! Dam mi burî sena kla, agi i zlid’igiziya!

Isai 40:14

Mi de tam d’alâ ni ki nge á had’am ge? Ni nge ba, mi had’am ka sariya d’a d’ingêra ge? Ni nge ba, mi had’am ned’a ge? Ni nge ba, mi had’am á wad’ud’a mi ge?

Wana ni mbaktumba hi Job-pa 6:11

Ad’eng manda nga ni lara d’ei ba, an dok ni djup pei ge? Dabi manda arî lara d’ei ba, an dok ni ve tan ndei ge?

Wana ni mbaktumba hi Job-pa 6:13

An nga kad’eng nga ding á ndjun tan nduo d’a, an wal lei dei ki suta mi d’uo zu?

Wana ni mbaktumba hi Job-pa 26:1

Job mi de kua ala:

Wana ni mbaktumba hi Job-pa 26:3

Ni d’al la me ma djivina ba, ang dum mi sama mi ne nga d’uo na ge? Ni ne d’a zul heî d’a lara ba, ang tagamzi woi mi ge?

Wana ni mbaktumba hi Job-pa 27:12

Wani agi tagi pet, agi wagi ad’ud’a. Ni kayam me ba, agi igi bugol zla d’a hawa yaka ge?