Wana ni mbaktumba hi Job-pa 24:8 - Bible azumeina

⁸ Alo ma mi se yam ahinad’ina nga mi toziya, a nga vabozi ata ahinad’a, kayam a nga fe yima ngei tazina d’i.

Wana ni mbaktumba hi Job-pa 24:8 Referans Kwoze

Hor ma tchina 4:5

Suma a nga te te ma djivina adjeuna, a nga bo kä ir palumba. Suma a wul kur djivid’ina, a nga bulul kä yam djimgilâ.

Hebre-na 11:38

Duniyad’a ndak nga yam sum ndazi suma a nga tcha tata hur fulâ, yam ahuniyôna, angra ahuniyôna, kä kur zula mi na d’i.

Sawal la kal teglesa 5:2

Ti dala: An bur sena, wani djib’er manda nga tinda, an hum dela hi ma an hurun vuma nga mi tum vun gonga. Mi dala: Aman nda an hurun vak heîd’a, ndak malan vuna woyo. Gugu manda, ndjondjoî manda, yan ndi ras abo mbad’ïd’a, tumus sa kanda ti ras abo mbad’ï d’a nga d’i tol ka andjeged’a.

Wana ni mbaktumba hi Job-pa 24:7

A nga bur kä andjege gandila bei baruna ataziya, a nga ki borogo ma a tchugum kazi abo ab’lengina d’i.

Wana ni mbaktumba hi Job-pa 24:9

Suma a nga ve gor ma hokuyod’a woi avun apona, a nga vahle suma denga abo sama houd’a mi.