Wana ni mbaktumba hi Job-pa 24:23 - Bible azumeina

²³ Mi nga mi hazi yima kak ma halasâ ki hur ma tinda, mi nga mi tin iram yam lovot mazid’a mi.

Wana ni mbaktumba hi Job-pa 24:23 Referans Kwoze

Zla d’a d’ogolâ 15:3

Ma didina iram nga ata yina pet á gol suma asa’atna ki suma djivina mi.

Vama ndum mbeina 2:23

An mba ni tchi grotna woyo. Ata yi máma, Toka pet mba d’i wala an ni ma we djib’era ki nga hurâ hi sumina, an mba ni wurak nge nge pî yam vama mi luma mi.

1 Tasaloni’â 5:3

Fata suma a dala: B’leng nga halasa ki djivid’a a nga d’a, ata yi máma na wat, bad’a mba d’i nde kazi d’igi vuta ti nde yam atcha d’a wirâ na, a mba prut tei d’uo mi.

Wana ni Zla d’a Djivi d’a Luc mi b’irita 12:45

Wani le azong máma mi de kurum ala: Salana mba mi mba atogo d’i, mi nde mi to azungeî suma dingâ ki yuguneina, mi te, mi tche gak mi gurut ki süma ni,

Habakuk 1:13

Ang irangî bei tchod’a ba nga d’i min gol tchod’a d’i, ang ndak á gol sama djop vun suma d’uo mi. Ni kayam me ba, ang nga gol suma mbut ira hina tä ge? Ni kayam me ba, ang kak hina tchugot ata yima sama tchona nga mi le sama kalam ki d’ingêrina ndakina ge?

Amos 9:2

Le azi kal kä ata yima azuleina pî, an mba ni i kua ni yoziya; le azi dja’î akulo pî, an mba ni tchuguzi asezi kä.

Amos 8:7

Ma didina mi gun tam yam subur tad’a hi suma hi Jakob-mid’a ala: An mba ni mar yam sun mazi tu d’i.

Isai 56:12

Azi nga dala: Agi mbeyegïya, ami i halagï süm guguzlud’a, ei mba gurud’i ki süm ma ayîna, ei mba lei avin ni d’igi ini hina dedege. Ad’um mba d’i ar kä woi ngola.

Ma tchi wala 8:11

Ni kayamba a nga ngop sama le sun nda tchod’a atogo zak kuo d’a ba, suma a he tazi á le tchod’a ngola ni na.

Ma tchi wala 5:8

Djivi d’a yam ambasid’a ni yam suma pet, amulâ pî mi fe djivi mamba ni kur asinena mi.

Zla d’a d’ogolâ 5:21

Kayam Ma didina iram nga tinda yam tita hi sumid’a pet, nga mi gol sun mazid’a pet mi.

Wana ni mbaktumba hi Job-pa 12:6

Suma murud’umba a nga ki djib’era avo hatazi d’i, suma a nga djo Alona ki zlad’ina, va nga mi lazi d’i, a nga walo ma ding ngi, nad’eng mazid’a hol!

Wana ni mbaktumba hi Job-pa 11:11

Kayam suma ka zlad’a, mam waziya, nga mi we sun nda ata yat tuo d’a azi nga lata atogo zak mi.

Wana ni mbaktumba hi Job-pa 10:4

Na ni irangî ira hi sanid’a zu? Ang nga gol yina ni d’igi suma a gol yina na zu?

Wana ni mbaktumba hi Job-pa 31:4

NAlona ba, nga mi golon lovot manda, mi nga mi ndumun asen ma tita mi d’uo zu?

Wana ni mbaktumba hi Job-pa 34:21

kayam Alona iram nga tinda yam tita hi sanid’a, nga mi golom asem ma tita pet mi.

Sawal la giled’a 119:168

An nga ni ngom gat manga ki vun mang ma hed’a, kayam tit manda pet navorongû.

Sawal la giled’a 10:5

Ahle suma mi lazina nga mi fazi tatap; sariya nga d’i vum mbi; nga mi gol mam suma djangûna is mi.