Wana ni mbaktumba hi Job-pa 24:13 - Bible azumeina

¹³ Suma asa’atna a nga min b’od’a d’i, a nga we lovot mam mba nglod’a d’i, a nga tit kur lovot mam mba gureid’a d’uo mi.

Wana ni mbaktumba hi Job-pa 24:13 Referans Kwoze

Jude 1:6

Agi djib’eregi yam malaika suma a ngom nga ad’eng nga Alona mi hazizid’a d’uo suma a ar yazi ma kaka woina. Kayam ndata, Alona nga mi ngomozi kä kur nduvunda djinda ki kindjing ma didina á djup bur ma ngol ma a mba kazi sariyad’a kazina.

Zla d’a d’ogolâ 4:19

Lovota hi suma asa’atnid’a ni d’igi nduvunda na; a nga we vama mi puguzi kä na d’i.

1 Jean 2:19

Gagazi, sum ndazina a nga ni meina d’i. Ni kayam ndata ba, azi wal ki sed’ei wana. Ladjï azi nga ni meina ni, azi nga ni kaka ki sed’eya. Wani azi wal wa ki sed’eya, kayam ei wei tetet ala azi nga ni meina d’i.

Jacques 4:17

Wani sama we vama djivina á led’a ko ba mi lum mbuo na, mi le ni tchod’a.

Romê-na 1:32

Sum ndazina a we sariyad’a hAlonid’a ala suma a nga lahle suma hina na a ndak á tchid’a. Wani azi nga i avogovok á lahle ndazina, wani vama kalâ, a nga ndjak vunazi ki suma a nga lahle ndazinina mi.

Jean 15:6

Le sama nga kaka zlapa tu ki sed’en nduo ni, Abun mba mi gum mbei d’igi a gabo guguzlud’a woi na, mba mi so woi mi. Bugola, a togomu, a tchugum aduk akud’a, a ngalam mbeyo.

Jean 12:40

Alona mi duguzi iraziya, mi b’alazi huruzi mi, kayam azi we ki irazi d’i, azi wad’ud’a kuruzi d’uo mi tala azi mbut huruzi mi sud’uziya d’a.

Jean 12:35

Kayam ndata, Jesus mi dazi ala: B’od’a nga ki sed’egi tua ndjö. Agi tid’igi kur b’o d’a nga ki sed’egid’a, kayam ar nduvunda ti mba kagi d’i. Sama nga mi tit kur nduvundina, nga mi we yima mi i kuana d’i.

Jean 8:44

Agi suma abugi ni Diable-na, agi min lagi ni minda habugid’a. Mam mi ma tchi matna kad’u tinda dei, mi nga mi tit yam gagazid’a d’i, kayam zla d’a gagazid’a nga kurum mbi. Ata yima nga mi de zla d’a kad’ina, mi de ni yam mam tamba, kayam mam mi ma ka zlad’a, ni zla d’a kad’a abut mi.

Jean 8:31

Kayam ndata, Jesus mi de mi Juif suma a hum gagazid’ina ala: Le agi gagi yagi kä ad’u zla manda ni, gagazi, agi ni man suma hata,

Wana ni mbaktumba hi Job-pa 5:14

Nga mi mbut yina nduvunda avorozi faleya, a nga lam yina falei d’igi sana nga mi lam yina andjege na.

Wana ni mbaktumba hi Job-pa 24:12

Suma a nga lá matnina a nga tchi hur azì ma ngolâ, suma a fe dakina a nga tchi ki delezi akulo, wani Alona mi tin nga humam yam tcho mazi d’a b’lak ndrozina ndata d’i.

Wana ni mbaktumba hi Job-pa 24:14

Ma tchi matna nga mi tchol akulo ki pipira á tchi suma houd’a ki suma kid’aka woyo, mi kul andjege mi.

1 Amuleina 3:20

Wani ti tchol andjege dangâla kid’a an wei manga ni nga senid’a, ti hle gorona avoron kä, ti djogom yam azang matna, ti vrak gorot ma matna avoron kä mi.

Wana ni mbaktumba hi Job-pa 24:16

Suma kula a nga tcho ir gongîyona andjege, a nga ngei tazi faleya, a nga we b’od’a ki irazi d’i.

Wana ni mbaktumba hi Job-pa 38:13

tala ti i veï vun dabid’a handagad’id’a, ar suma asa’atna a zlaga d’a zu?

Wana ni mbaktumba hi Job-pa 38:15

Suma asa’atna b’o mazid’a nga d’i b’o kazi d’uo d’a, abozi ma a hlum akulona, mi kus seyo.