Wana ni mbaktumba hi Job-pa 23:16 - Bible azumeina

¹⁶ NAlona ba, mi tchugun tan susub’ok, Ni Ma ad’engêm kal petna ba, nga mi pad’an vunadiganu.

Wana ni mbaktumba hi Job-pa 23:16 Referans Kwoze

Sawal la giled’a 22:14

Azi mal vunazi atan d’igi azlo ma mi ve vana bugol mi oîna na.

Wana ni mbaktumba hi Job-pa 27:2

Alona ni Ma bei matna, ni mam ba, mi noî á kan sariya manda, ni Ma ad’engêm kal petna ba, mi b’lagan muzuganu.

Gat ta a hat á mbàd’id’a 20:3

mi dazi ala: Agi Israel-lâ, agi humugiya, agi mbagiya wa go ini á dur magi suma djangûna. Ar hurugi ka mbina d’i, ar agi lagi mandar ri, ar vunadigagi pat fek ki, ar agi zlagagi avorozi d’uo mi.

Joel 1:15

Alë! Ni bur ma me na ge? Kayam burâ hi Ma didinina mi ar wa go, nga mi djï d’igi b’lak ka tcholï ata Ma ad’engêm kal petnid’a na.

Isai 57:16

An mba ni tchol ad’enga hina gagak kuo, an mba ni zal hurun hina baba d’uo mi. Le d’uo ni, suma an lazina, a mba kau a bo woyo.

Isai 6:5

Ata yi máma an dala: Alë! An ba woi da’, kayam an ni sama vunan ndjendjed’ina, an ni kaka aduk suma vunazi ndjendjed’ina mi. Wani iran ndi wamulâ, Ma didin ma ad’engêm kal petna!

Sawal la giled’a 88:16

Ki gogoron dei, an ni sama hohoud’a, an ni kur djop vuna mi; mandarang vanu, an we nga vama ni luma d’i.

Wana ni mbaktum mba a b’irit yam Rut-ta 1:20

Ti dazi ala: Ar agi yan ala Naomi d’uo d’a, wani agi yan ala Mara, kayam nAlo ma ad’engêm kal petna ba, mi tinin hat hur ma ngolâ kanu.

Jeremi 51:46

Ar vunadigagi d’i pat ti, ar agi lagi mandarâ abo gandjau d’a mba d’i le kur ambasid’a d’i. Kayam biza d’a wanda, gandjaud’a mba d’i le kur ambasa; biza d’a avok hid’a, gandjaud’a mba d’i le kua d’ei, murud’umba mba d’i te yam ambasa, ma te yamba mba mi tchol dur ki ma te yam ma dingâ mi.

Wana ni mbaktumba hi Job-pa 23:15

Ni kayam ndata ba, vunadigan ndi pat avoromu; ata yima an djib’er kama, an nga ni lum mandaramu.

Wana ni mbaktumba hi Job-pa 16:12

An ni kak kur halasa, mi mba mi b’lagan djib’er manda, mi van delenu, mi gan kä andaga, mi mbud’un vama yet yeû mamba.