Wana ni mbaktumba hi Job-pa 23:12 - Bible azumeina

¹² An noî nga vun mam ma hed’a woi d’i, an ngom zla d’a mam han vuna kata kurun krovo.

Wana ni mbaktumba hi Job-pa 23:12 Referans Kwoze

Jeremi 15:16

Ma didina Alo ma ad’engêng kal petna, ata yima an fe zla mangina, an tad’u. Zla manga ti mbut hur ma hapma ki furîd’a kurunu, kayam a nga yan ki simiyêngû.

Sawal la giled’a 119:103

Vun mang ma hled’a nadjib’eta avunanu, ma adjib’eta avunan kal mbul ayuma.

Jean 4:34

Jesus mi dazi ala: Te mana ná le minda hi mam ma sununïna, ná ndak vun sun mamba mi.

Sawal la giled’a 119:11

An nga ni ngom zla manga kurun kayambala an le tchod’a avorong nguo d’a.

Wana ni mbaktumba hi Job-pa 22:22

Ang ve zla mam mba mam nga mi had’angzid’a, ang ve zla mamba kurung mi.

Jean 8:31

Kayam ndata, Jesus mi de mi Juif suma a hum gagazid’ina ala: Le agi gagi yagi kä ad’u zla manda ni, gagazi, agi ni man suma hata,

Jean 4:32

Wani mi dazi ala: An nga ki te ma agi wum nga d’uo na.

Sawal la giled’a 119:127

Ni kayam ndata ba, an min vun mang ma hed’a kal lora; gagazi, an minim kal lor ra kal teglesa.

Wana ni mbaktumba hi Job-pa 6:10

Kur ndak manda wan pî, an mba ni le furîd’a, an mba ni ve zla d’a bugol la a mba b’lengên ki hurunda, kayam an tin nga vunan yam zlad’a hAlo ma bei tchod’a ba nid’a d’i.

Sunda hi suma a sunuzinid’a 14:22

Azi nga he suma a he gagazid’ina ad’enga, a nga gigid’ezi ala a kak kur he gagazid’a. A dazi ala: Ni ki djop vuna ngola tua ba, ei mba kalei ki kur leud’a hAlonid’a.

1 Pierre 2:2

Ar agi had’agi hurugi yam apo ma djivina d’igi gugurei suma vut awilina na, nala, yam zlad’a hAlonid’a, kayam agi wulugi akulo kur sut magid’a.

Wana ni Zla d’a Djivi d’a Luc mi b’irita 12:46

sala azong máma mba mi mba kur bur ma mam nga mi djubum mbuo na, ata yima mam we d’uo na mi. Salama mba mi tom ki blafâ ngola, mba mi wuragam ki suma batrangâ.

Wana ni Zla d’a Djivi d’a Luc mi b’irita 12:42

Salad’a mi dum ala: Ni nge nazong ma d’engzeng ma ne ma salama mba mi tinim yam suma avo hatama á b’rawazi tena ata yama ge?

1 Jean 2:19

Gagazi, sum ndazina a nga ni meina d’i. Ni kayam ndata ba, azi wal ki sed’ei wana. Ladjï azi nga ni meina ni, azi nga ni kaka ki sed’eya. Wani azi wal wa ki sed’eya, kayam ei wei tetet ala azi nga ni meina d’i.

Wana ni mbaktumba hi Job-pa 15:11

Ang gol b’leng hurâ hAlonina ni vama akid’ei irang zu? D’oze zla d’a ami nga dangzi ki lulumad’id’a ni vama akid’ei irang mi zu?

Wana ni mbaktumba hi Job-pa 23:13

Vama mam dala: Le ni hina na, ni nge ba, mi ndak á d’elem ge? Vama mam hurum vum á luma, mi nga mi lumu.

Sawal la giled’a 33:11

Wani nga hurâ hi Ma didinina mi nga burâ ki burâ, djib’er ra kurum krovod’a ti nga ni kur atchogoi d’a lara ge pet mi.

Zla d’a d’ogolâ 30:8

Ang walan ndei ki zla d’a hawa yaka ki zla d’a kad’a. Ang han houd’a d’uo mi na, ang han ndjondjoîd’a d’uo mi. Ang han ni te ma ndagana hol.

Wana ni mbaktumba hi Job-pa 33:9

An ni ma yed’etna, an tchila nga d’i, zla nga kan ndi, tcho nga kurun nduo mi.