Wana ni mbaktumba hi Job-pa 22:30 - Bible azumeina

³⁰ Suma zlad’a kazina pî, mam mba mi sud’uzi woyo. Gagazi, mba mi sud’ung ngei ni yam abong ma bei do tchod’a ba na.

Wana ni mbaktumba hi Job-pa 22:30 Referans Kwoze

Sawal la giled’a 18:20

Mi ndan ndei ata yima tchona, mi gan akulo, kayam hurum vanu.

Sunda hi suma a sunuzinid’a 27:24

mi dan ala: Paul, ar ang le mandar ri; mbeî ang mba tchol avok ma te yamba Sesar. Alona, kur djivi mam mba kanga, nga mi ngom arid’a hi suma a nga tit ki sed’engâ pet mi.

Malatchi 1:9

Ma didin ma ad’engêm kal petna mi dala: Ki tchetchemba, agi suma ngat buzuna, agi tchenegi Alona kayam mi wei hohoweya! Ni kayam agi ba, ahle ndazina a mba, na ni mba mi vagi atam djivid’a zu?

Jeremi 5:1

Ma didina mi dala: Agi igi ir palum mba Jerusalem-mba teteng, agi i gologiya, agi halagi ad’ud’a, agi halagi ata yima suma a tok kuana. Le agi fagi sa kua tu, le agi fagi sama mi tit yam gagazid’a ma nga mi hal d’engzengina ni, an mba ni vat hurun ndei yam suma Jerusalem-ma.

Isai 58:12

Ni agi ba, mba hulong minigi yima adjeu ma b’lak keina, agi mba tchologi ad’u ge d’a kur atchogoi d’a kal lei dedeid’a akulo. A mba yagi ala: Suma a min ir gulumun ma dris seina, suma a min lovot ta gureid’ina, suma a hulong mbut ambasa djivid’a á kak kurutna.

Sawal la giled’a 24:4

Ni sama abom nga mi do vama tcho d’uo na, ni sama hurum yed’etna, ni sama nga mi he tam yam ahle suma hawa ya’â d’uo na, ni sama bei gun tam ir gurzula ba na.

1 Timote 2:8

Kayam ndata, an min ala andjofâ a tchen Alona ata yina pet, a yo abozi akulo á tchen Alona ki hur ma djivina, bei ayîna, bei tuguyod’a mi.

Isai 1:15

Ata yima agi yogi abogi akulo á tchendina, an nga ni mbut iran ndeyo. Agi nga dugud’ogi tchenda wan pî, an nga ni humugi d’i, kayam abogi mi nga tib’ak ki buzuna.

Wana ni mbaktumba hi Job-pa 17:9

Gagazi, sama d’ingêrâ mba mi tchol ngingring kur lovot mamba, sama abom nga mi do tchod’a d’uo na mba mi fad’enga kam kua kam kua.

Wana ni mbaktumba hi Job-pa 23:1

Job mi dala:

Sawal la giled’a 24:3

Ni nge ba, mi ndak á djak akulo yam ahinad’a hi Ma didinid’a ge? Ni nge ba, mi ndak á tchol ata yam ma a kud’urom kuana ge?

Wana ni mbaktumba hi Job-pa 42:9

Elifas ma Teman-na, Bildat ma Suwa-na ki Sofar ma Näma-na a i le d’igi Ma didina mi dazi na. Ma didina mi hum tchen nda Job mi tchenem kazid’a mi.