Wana ni mbaktumba hi Job-pa 20:2 - Bible azumeina

² Gola! Djib’er manda nga d’i zud’un á hulong zla d’a ded’a, kayam djib’er ra kurun nda nga d’i aran nduo d’a.

Wana ni mbaktumba hi Job-pa 20:2 Referans Kwoze

Zla d’a d’ogolâ 14:29

Sama nga mi le lilinga á mbut ayînina ni sama wad’ud’a ngolina, wani sama mi mbut ayîna atogo zaza’â mi ta’î lili mamba woi abua.

Sawal la giled’a 31:22

An nga ni subur Ma didina! Ata yima man suma djangûna a nguyun d’igi azì ma ngol ma a nguyum ki gulumun ma ad’eng ma ngunguna na na, mi tagan djivi mamba.

Jacques 1:19

B’oziyon suma an le kagi heîna, agi wagi djiviya. Ar nge nge pî mi hum zlad’a atogo, wani mi le lilinga á ded’a. Ar mi mbut ayîna atogo zak kuo mi,

Romê-na 10:2

Kayam an nga ni le glangâsâ kazi ala tazi nga d’i lazi zlezleû yam Alona, wani azi nga le kamî bei wad’ud’a.

Marik 6:25

Atogo hina zak, ti hulong ki b’ata gen amulâ, ti tchenem ala: An min ang ngad’anï yam Jean ma le suma batemba kur tazana ka tchetchem.

Jeremi 20:9

Le an dala: An min dang zlang ngei d’uo, an min de zlad’a ki simiyêng nguo d’angû ni, gol wani, hurun nga mi ngalan d’igi akud’a na, ti nga d’i ngalan aduk asogonu, an kau á vad’u, an ndak á ve tan nduo mi.

Ma tchi wala 7:9

Ar ang mbut ayîna atogo d’i, kayam sama lilid’a mi mbut ayîna atogo.

Zla d’a d’ogolâ 29:20

Le ang we sama de zlad’a bei djib’era ba na ni, hotei ang tin hurung yam sama lilid’a, kal la ang tin hurung kamba.

Sawal la giled’a 116:11

Kur tcha tata manda an dala: Suma pet ni suma ka zlad’a.

Wana ni mbaktumba hi Job-pa 20:3

An hum ngul la ang nga ngulunda, wani djib’er manda nga d’i hulongôn humba ala:

Wana ni mbaktumba hi Job-pa 13:19

Ni nge mi tchi tuguyod’a ki sed’en nge? Le mi nga ni, an ni ba, ni mid’a.

Wana ni mbaktumba hi Job-pa 4:2

Le ami malami vunami á dang zlad’a ni, ang hurung mba zal zu? Wani ni nge ba, mba mi kak hina mudjuk ke?

Wana ni mbaktumba hi Job-pa 20:1

Sofar ma Näma-na mi de mi Job kua ala: