Wana ni mbaktumba hi Job-pa 20:10 - Bible azumeina

¹⁰ Mam mba mi hulong ndjondjoî mam mba mi b’ad’at abo sumid’a, groma a mba hulong ahlena mi suma houd’a mi.

Wana ni mbaktumba hi Job-pa 20:10 Referans Kwoze

Wana ni mbaktumba hi Job-pa 20:18

Mam mba mi hulong ahle suma mi fe ndaka kazina akulo, mba mi ligizi d’i, mba mi le furîd’a ki mbiyo ma mam fuma d’uo mi.

Wana ni Zla d’a Djivi d’a Luc mi b’irita 19:8

Zake mi tchol akulo avok Salad’a, mi dum ala: Salana, gola! An nga ni wal ahle mana ki suma hohoud’a. Le an te va abo sa hawa ni, an hulong hum kam kua yan fid’i.

Zla d’a d’ogolâ 28:3

Sama hou ma mi kid’eî ir sama kid’akina, mi ni d’igi alo ma se ki babarâ ma mi b’lak ahlena woi kakazeîna na.

Zla d’a d’ogolâ 6:31

Wani le a fumu ni, mba mi wurak yam kid’iziya, a mba yo ahle suma avo hatama pet mi.

Sawal la giled’a 109:10

Ar groma a talala, a mbut ni suma tchen ahlena, ar a tchenï ahlena woi dei kaziyazi ma b’lak keina.

Wana ni mbaktumba hi Job-pa 5:4

Ar groma a fe sama a deng tazi atama d’i, a kazi sariyad’a kazi ata yima ka sariyad’a bei sa mi ndjunuzi ba!

2 Samuel 12:6

Sa máma mi wurak aho’â fid’i yam ahu d’a tu ndata, yam sun nda mi lat bei djib’era ba d’a!

Buzuk ka Abud’a 22:3

Wani le ni faleya ni, sama tchuma zlad’a nga kamu. Ar ma kul máma mi wuraga. Le va nga abom mbuo ni, a guzum mbei yam kul mamba.

Buzuk ka Abud’a 22:1

Ma didina mi de kua ala: Le sana mi kul amuhl hloze timina, le mi ngad’am mboze mi guzum mbeyo ni, mi wurak amuzleina vahl yam amuhl ma tuna, tumiyôna fid’i yam timi ma tuna mi.

Buzuk ka Abud’a 12:36

Ma didina mi mbut Israel-lâ djivid’a ir Ezipte-na. Azi hazi ahle suma azi tchenezi kazina; ni hina ba, a yo ahlena hi Ezipte-na.

Buzuk ka Abud’a 9:2

Le ang arazi á id’a d’uo, ang le d’elezi kua d’eyu ni,

Wana ni mbaktumba hi Job-pa 4:11

Azlona nga mi mit tei kayam mi nga mi fe vama ve d’uo d’a, azlod’a grotna a nga b’rau woi yayak.

Wana ni mbaktumba hi Job-pa 20:15

Nga mi lik ndjondjoîd’a, wani mba mi hulong vinit teyo; Alona mba mi yot tei kurumu.

Wana ni mbaktumba hi Job-pa 27:14

Le mi nga ki grona ablaud’a pî, a mba dabazi woi tchid’a ki mbigeu d’a fiyaka avun ayîna, groma a mba hop ki tena d’uo mi.