Wana ni mbaktumba hi Job-pa 2:6 - Bible azumeina

⁶ Ma didina mi de mi Seitan ala: Mi wana! An hangzi tamu, wani ang tchum mbi.

Wana ni mbaktumba hi Job-pa 2:6 Referans Kwoze

1 Korente-na 10:13

Kuk ka lara ge pet ta nga d’i kugugid’a nandjaf kuk ka nga d’i kuk sumid’a mi. Alona ni Ma d’engzengâ, mba mi ar kuka kal yam ad’eng magid’a d’i, wani kur kuka, mba mi hagi lovota á ndagi woi kur á vagi tagi ad’enga.

Wana ni mbaktumba hi Job-pa 1:12

Ma didina mi de mi Seitan ala: Gola! Ahle mama pet an hangziya! Wani ang do abong atam mbi! Ata yi máma Seitan mi nde woi avok Ma didina.

Vama ndum mbeina 2:10

Ang le mandar abo ndak ka ang mba fata d’i. Gola! Diable nga mi mba, mba mi kugugiya, mba mi tchuk suma dingâ ablaud’a adigagi dangeina; agi mba fagi ndaka burâ dogo. Ar ang kak sama d’engzengâ gak matna; an mba ni hang avaval la bei b’laka ba d’a.

Vama ndum mbeina 20:7

Fata biza d’a dubud’a ndaka, a mba ge Seitan-na akulo woi kur dangei mama.

Sawal la giled’a 65:7

Kad’eng manga ang tin ahuniyôna ata yaziya, ang nga kaka kad’eng manga ngingring mi.

2 Korente-na 12:7

Kayam an fe lovota á subur tan yam ahle suma kal tegles suma Alona mi simad’andjina d’i, ni kayam ndata ba, mi tinin tugud’ei d’a ndaka atanu, ni ma sunda hi Seitan-na ba, mi ton kiya, kayam an subur tan ndi.

Wana ni mbaktumba hi Job-pa 2:5

Wani le ang hlabong ang dom asogom ki hliwimu ni, an we woi tetet ala mam mba mi ngulung avunang ka tchetchem!

Wana ni mbaktumba hi Job-pa 2:7

Ata yi máma Seitan mi nde woi avok Ma didina. Mi zak Job ki tugud’ei d’a tchod’a mbuleina ei hur asem kä dei gak i adumar yam akulo.

2 Sunda Hamuleinid’a 18:21

Mi dum ala: An i ni de zla d’a kad’a avun suma djok vuna hamulîna pet. Ma didina mi hulong dum ala: Ang i lobomu, ang i le hina!

Wana ni mbaktumba hi Job-pa 1:11

Ang le hlabong dom ahle mama ni, an we woi tetet ala mam mba mi ngulung avunang ka tchetchem!

Wana ni Zla d’a Djivi d’a Luc mi b’irita 12:23

Kayam arid’a kal tena, tad’a kal baruna mi.