Wana ni mbaktumba hi Job-pa 2:3 - Bible azumeina

³ Ma didina mi de mi Seitan ala: Ang we ni me ata azong mana Job ke? Sama yam andagad’a d’igi mam na na nga d’i. Ni sama iratna, ni sama d’engzengâ mi. Ni sama le mandara an Alonina, ni sama nga mi min tchod’a d’uo mi na. Mi nga tchola ad’enga kur d’engzeng mamba mi. Ang zud’un á b’lagam mbei ni hawa na!

Wana ni mbaktumba hi Job-pa 2:3 Referans Kwoze

Wana ni mbaktumba hi Job-pa 1:8

Ma didina mi de mi Seitan ala: Ang we ni me ata azong mana Job ke? Sama yam andagad’a d’igi mam na na nga d’i. Ni sama iratna, ni sama d’engzengâ mi. Ni sama le mandara an Alonina, ni sama nga mi min tchod’a d’uo mi na.

1 Pierre 1:7

Hina, kuk ndata mba d’i tak djivid’a hi he gagazi magi d’a guzut kal lor ra b’lak kei d’a nga a kugut kakud’id’a woyo. Hina, he gagazi magi d’a guzut kal lorid’a a nga kugut hina á wad’eng mata. Hina wani, fata Jesus Christ mba mi nde woid’a, Alona mba mi gilegiya, mba mi suburugiya, mba mi hugi mi.

Jacques 1:12

Sama ve tam ad’enga kur kukina, mi le furîd’a ata yima mi ve tam ad’enga kur kuk mambina, mba mi fe avaval la bei b’lak ka Salad’a mi hle vunam kat mi suma a nga le kamid’a.

Zla d’a d’ogolâ 16:17

Suma d’ingêrâ a nga wal tazi woi ki tchod’a kur tit mazid’a, sama mi ngom tam kur tit mamba ped’etna mi nga mi ngomî ari mamba.

Wana ni mbaktumba hi Job-pa 9:17

Ni mam ba, nga mi ndjireben ndei ki babar ma ngolâ, nga mi zulun mbuleina atan bei d’obot ba.

Filip-ma 3:12

An nga ni dala: Vama an nga ni digima, an vum wa da d’oze an ndak wa memed’u na d’i. Wani an nga ni ring á ve va máma, kayam Jesus Christ mi van wa mi.

Jean 9:3

Jesus mi hulong dazi ala: Ni yam tcho mamba d’oze ni yamba hi simiyêmba d’uo mi, wani ni kayam á nde ki sunda hAlonid’a woi abu kamu.

1 Pierre 5:10

Wani bugol la agi fagi ndaka ndjö d’a, Alo ma sumad’a pet ma yagi yam subur mam mba didinda zlapa tu ki Christ-sâ, mba mi minigi akulo, mba mi hagi ad’enga, mba mi siragi ngingring bei gigeta ba mi.

Zla d’a d’ogolâ 15:8

Vama ngat buzuna hi suma asa’atnina ni vama ndjendjed’a ir Ma didina, wani tam nga d’i lum djivid’a yam tchenda hi suma d’ingêrîd’a.

Wana ni mbaktumba hi Job-pa 1:1

Adjeu sana nga kur andaga d’a Us-sa, a yum ala Job. Ni sama iratna, ni sama d’engzengâ mi. Ni sama nga mi le mandara Alona, ni sama nga mi min tchod’a d’uo mi na.

Zla d’a d’ogolâ 14:2

Sama nga mi tit tit ta d’ingêrina nga mi le mandara Ma didina, wani sama nga mi tit tit ta gundina nga mi golomî is.

Zla d’a d’ogolâ 13:6

D’ingêra nga d’i ngom sama tit kur lovot ta iratina, wani asa’ata nga d’i ba sama le tchod’a woyo.

Zla d’a d’ogolâ 11:8

Sama d’ingêrâ mba mi prut tei kur ndaka, wani sama asa’atna mi vrak blangâmu.

Sawal la giled’a 41:12

Le man ma djangûna mi kus kan nduo ni, an mba ni wala ang hurung vanu.

Sawal la giled’a 37:37

Ang tin irang yam sama iratna, ang gol sama d’ingêrâ, kayam sama halas máma mba mi i avogovogo.

Wana ni mbaktumba hi Job-pa 13:15

Le mi min á tchan pî, an nga ni ar hur man ma tin ma kama woi d’i, wani an mba ni väd’u zla manda woi avoromu.

Wana ni mbaktumba hi Job-pa 9:20

Le an ni sama d’ingêrâ pî, vunan mba kan sariyad’a kanu. Le an ni sama bei zlad’a kana pî, vunan mba mi mbud’un sama zla nga kama.

Wana ni mbaktumba hi Job-pa 1:11

Ang le hlabong dom ahle mama ni, an we woi tetet ala mam mba mi ngulung avunang ka tchetchem!

2 Samuel 20:20

Jowap mi hulong dat ala: An nga ki djib’era á b’lak azina d’oze á dris gulumuna kä woi d’i!

Ad’u Tinda 6:9

Wana ni zla d’a ded’a yam Noe-d’a: Noe ni sama d’ingêr ma d’engzengâ avok Alona, mi tit zlapa kAlona.

Sawal la giled’a 26:1

Ni sawal la David mi hlata. Ma didina, ang kan ir zla manda, kayam an nga ni tit kur d’ingêra. An nga ni deng tan ata ang Ma didina, an nga ni giget ti.

Wana ni mbaktumba hi Job-pa 2:2

Ma didina mi de mi Seitan ala: Ang tcholï ni lara ge? Seitan mi hulong de mi Ma didina ala: An nguyï ni tita yam andagad’a á vat tan ndeyo.

Wana ni mbaktumba hi Job-pa 2:4

Seitan mi hulong de mi Ma didina ala: Ang handji tamu! Ahle suma sana mi nga ki na pet, mba mi hazi ná sut tamu.

Wana ni mbaktumba hi Job-pa 1:6

Wani bur tu malaika suma hAlonina a mba ki zla mazid’a avok Ma didina, Seitan ma tchuk zlad’a yam sumina mi mbeï adigazi mi.