Wana ni mbaktumba hi Job-pa 18:7 - Bible azumeina

⁷ Tit mam mba kad’engid’a mba d’i hlum abod’a, d’al mama tamba mba mi bam mbeyo.

Wana ni mbaktumba hi Job-pa 18:7 Referans Kwoze

Zla d’a d’ogolâ 4:12

Le ang tid’a ni, aseng mba mi prengêl li; le ang ringâ ni, aseng mba mi ka azlard’eid’a d’uo mi.

Sawal la giled’a 18:36

Ang Alona ni mbarei man nda suta, abong ma ndjufâ nga mi djigin akulo, yam djivi manga ang mbud’un ma ngolâ.

1 Korente-na 3:19

Kayam ned’a kur duniyad’a ka hid’a ni lilid’a ir Alona. D’igi mbaktumba hAlonid’a ti de na ala: Alona mi vik suma ned’a ki lem mazid’a.

Wana ni mbaktumba hi Oze-d’a 10:6

A mba i ki sed’em he d’a hawad’a mamul ma ngol ma Asiri-na. Suma Efraim-ma a mba tchuk susub’ok, Israel-lâ a mba mbut zulona yam nga hur mazina mi.

Sawal la giled’a 33:10

Ma didina nga mi b’lak zla d’a andjaf suma a minita woyo, nga mi b’lak vama suma a ngam kuruzi á led’ina woi mi.

Wana ni mbaktumba hi Job-pa 36:16

Alona mba mi pad’ang ngei kur ndak manga, mba mi tining ata yima djivi ma bei va mi lang kua ba na, yam tabul mangâ, mba mi oî kahle suma mbulâ mi.

Wana ni mbaktumba hi Job-pa 20:22

Kur ndjondjoî mamba mam mba mi fe ndaka; aneka hi suma a nga kur ndakina mba d’i tok kamu.

Wana ni mbaktumba hi Job-pa 15:6

Ni zla d’a avunanga ba, ti kang sariyad’a kangû, nga ni an ndi. Ni vunang ba, mi le glangâs ma tchona kang mi.

2 Samuel 17:14

Apsalom azi ki Israel-lâ pet a dala: D’alâ hi Husai ma Ara’â mi djivid’a kal ma hi Ahitofel-lâ. Na ni d’igi ni Ma didina ba, mi b’lak d’al ma djivina hi Ahitofel-lâ woi á mba ki ndaka yam Apsalom.

2 Samuel 15:31

A mba de mi David ala: Ahitofel mi nga aduk suma a ndjak vunazi tu ki Apsalom-ma. David mi dala: Ma didina, an nga ni tchenengû, ar ang b’lak d’alâ hi Ahitofel-lâ woyo.

2 Amuleina 6:11

Amul ma Siri-na hurum zal ngola yam zla ndata. Mi yi azigar mam suma nglona, mi dazi ala: Agi nga dan ndei yam sama adigei ma mi hle zla mei d’a gumunda mi it mamul ma Israel-lîna d’uo zu?

Zla d’a d’ogolâ 11:5

D’ingêra hi sama iratnid’a nga d’i mbud’um lovot mamba d’ingêr, wani sama asa’atna nga mi puk kä yam asa’at mamba.

Zla d’a d’ogolâ 29:6

Suma asa’atna a mbut ni magumeina hi tcho mazid’ina, wani suma d’ingêrâ a nga hle sawal la bangâna ki furîd’a ngola.