Wana ni mbaktumba hi Job-pa 18:17 - Bible azumeina

¹⁷ Sa mba mi djib’er kam yam andagad’a ka hî d’i, simiyêm mba mi yi ata yima ding nguo mi.

Wana ni mbaktumba hi Job-pa 18:17 Referans Kwoze

Zla d’a d’ogolâ 10:7

Djib’er ra yam sama d’ingêr ma mi mitna ni b’e vuna, wani a mba mar rei yam simiyê suma asa’at suma a bona.

Sawal la giled’a 34:16

Ma didina iram nga tinda yam suma d’ingêrâ, humam nga tinda á hum tchi mazina mi.

Sawal la giled’a 109:13

Ar andjavam mi dap peyo, ar simiyêm mi sil lei kur atchogoi d’a nga d’i mbad’a!

Zla d’a d’ogolâ 2:22

Wani suma asa’atna, a mba dabazi woi yam ambasa; suma a nga d’engzeng nguo na, a mba yozi woi kat mi.

Sawal la giled’a 83:4

A nga min tazi gumun á dur sum mangâ, a ndjak vunazi á dur suma ang nga ngomozina.

Wana ni mbaktumba hi Job-pa 13:12

Zla magi d’a d’ogola ni d’igi butna na, zla magi d’a ded’a ni d’igi gulumun ma lubuna na mi.

Wana ni mbaktumba hi Job-pa 24:20

Asuzi d’a vud’uzid’a mba d’i mar kaziya, a mba mbut ni vama te ma djivina mi ndjuvulâ, sa mba mi djib’er kazi d’uo d’a. Gola! A nga kus sama asa’atna woi d’igi a kus tchagilaka woi na.

Sawal la giled’a 109:15

Ar tcho mazid’a ti ka’î avok Ma didina teteu, ar mi b’lak ahle suma a yazi ki simiyêzi yam andagad’a ka hina woyo!

Nahum 1:14

Agi suma Ninif-fâ, Ma didina mi he vuna kagi ala: agi mba fagi andjaf ma mi yagi simiyêgina bugol luo d’a. An mba ni yo angus ahle suma tcheta kangus ahle suma agi yorogizi ki kaweinina woi kur gonga halo maginid’a, an mba ni djugot zula kä kagiya, kayam zlagi nga d’uo d’a.

Sawal la giled’a 9:6

Ang nga ngop andjaf suma bei wangâ, ang nga b’lak suma asa’atna woyo, ang nga tchazi simiyêzi woi ki irang fafat gak didin.

Sawal la giled’a 41:5

Wani an nga ni dala: Ma didina, ang wan hohowonu! Ang tcholon akulo, kayam an le tchod’a avorongû.

Isai 14:20

A tozong nga kur zul manga d’igi amulei suma dingâ na d’i, kayam ang b’lak ambas manga woyo, ang tchi sum mangâ woi mi. Andjaf suma asa’atna, a mba yazi simiyêzi avogovok ki.

Isai 26:14

Suma matna a nga hulong kak ki irazi d’uo d’a, suma a bona a nga hulong tchol akulo d’uo mi. Ang mba, ang dabazi wa woyo, ang b’lak djib’er ra suma a djib’eret kazid’a woi pet mi.