Wana ni mbaktumba hi Job-pa 18:11 - Bible azumeina

¹¹ Ahlena a mba pad’am vunadigam ata yina pet, a mba digim ad’um mi.

Wana ni mbaktumba hi Job-pa 18:11 Referans Kwoze

Wana ni mbaktumba hi Job-pa 15:21

Siwel la nga d’i mbut suma mandarid’a, nga d’i siwel humamu, ata yima b’leng nga halasa nga na, ma b’lak yina nga mi mba kamu.

Jeremi 6:25

Ar agi buzugugi abagei kel li, agi tid’igi hur lovota d’i, kayam ma djangûna mi nga kua ki mbigeu mam mba fiyaka abomu. Mandarâ mi nguyi kä ata yina pet.

Jeremi 49:29

Ar a yozi zlub’u mazid’a ki d’uwar mazina, ar a yozi azuwei mazina kahle mazina ki djambal mazid’a, ar a tchi wulula ad’uzi akulo ala: Ar mandarâ mi vazi ata yina pet!

Jeremi 46:5

Ma didina mi de kua ala: Ni kayam me ba, an wazi a nga zlak ke? A dadak kazigaziya. Mazi suma gangrang suma durâ a tchuk susub’ok. A hazigaziya, a nga ring bei mbut irazi blogozi ba. Mandarâ mi vazi ata yina pet.

Wana ni mbaktumba hi Job-pa 20:25

Nga mi pat yeûd’a woi huyogomu, nga mi ve vama sï ma tchogom adudugama woyo, mandara matna mba mi vum atogo zak mi.

Sunda hi suma hi Levi-nid’a 26:36

An mba ni mbut suma ar adigagi suma a mba kak yam ambasa hi mazi suma djangûnina mandarâ kagilam. Ni simet ma mba mi sir hum agunina go ba, mba mi digiziya. Azi mba ringî d’igi suma a ring avok ayî ma durîna na, a mba puk kä bei sa mi digizi ba mi.

2 Korente-na 5:11

Kayam ami suma nga lami mandara Salad’ina, ami nga halami suma ala a mbut huruziya. Wani Alona wami tetet; an wala agi wami kurugi woi tetet mi.

Zla d’a d’ogolâ 28:1

Sama asa’atna mi ringî bei sa mi digim ba, wani sama d’ingêrâ, mayîna ni d’igi azlo ma azongâ na.

Sawal la giled’a 73:19

Gola! Atogo hina zak a b’lak keyo, a dap pei abo mandar ma ngolâ.

Sawal la giled’a 53:5

Ma didina mi dala: Na ni suma le tchod’a a nga wad’ud’a d’uo zu? Azi nga te sum mana d’igi azi tavuna na, azi nga yan simiyên ndi.

Wana ni mbaktumba hi Job-pa 20:8

Mam mba mi pir d’igi adï d’a ded’a na, a mba fum bugol luo d’a, a mba digim d’igi vama nde tam irang andjegena na.

Wana ni mbaktumba hi Job-pa 6:4

Kayam Ma ad’engêm kal petna mi tchogon ki yeû mamba, muzugan mi tchat ayâd’u. Ahle suma Alona sunuzi á mbut sana mandarîna, a gabozi woi kan á durun ayîna.

Wana ni mbaktumba hi Job-pa 18:10

Ziyo ma a vum ki na, mi ni ngeid’a kä aduk andagad’a, abeid’a ti nga gunda kä kur lovot mamba.

Wana ni mbaktumba hi Job-pa 18:18

A mba digim mbei kur b’od’a á im kur nduvunda, a mba digim mbei yam andagad’a mi.

Isai 28:19

Yorogo d’a lara ge andjege ki faleya, ata yima lara ma ti mba d’i kalâ, mba d’i vagiya. Ni siwel mata go ba, mba d’i mbud’ugi mandarâ!

Daniel 5:9

Kayam ndata, amulâ Baltazar mi mbut mandarâ ngola, mi tchuk susub’ok, mam suma nglona djib’er mazid’a ti b’lak mi.

1 Samuel 28:5

Kid’a Saul mi we azigarâ hi Filistê-na hina d’a, mi le mandarâ, nga mi zlak djik djik.

Wana ni mbaktumba hi Job-pa 22:10

Ni kayam ndata ba, dauna mi nguyung wana, mandarâ mi vang atogo zak wan mi.

Wana ni mbaktumba hi Job-pa 27:20

Mandarâ mba mi vum atogo d’igi mbiyo ma kusa na, mbirlimba mba d’i hlum andjege dangâla.