Wana ni mbaktumba hi Job-pa 17:11 - Bible azumeina

¹¹ Burun mi kala wa woyo, nga hur mana mi dap wa woi ki min man nda kurunda pet mi.

Wana ni mbaktumba hi Job-pa 17:11 Referans Kwoze

Wana ni mbaktumba hi Job-pa 7:6

Burun nga mi kal lei atogo kal aguna hi sama tchil barunina, nga mi kal lei atogo kal ket ta dap bei sama tchila mi we ba d’a.

Isai 38:10

An de kurun ala: An ar go á matna, djivid’a an ni iya. An nga ni i avun agrek ma azuleina, an dok dap vun biza man nda ara d’uo d’a.

Zla d’a d’ogolâ 16:9

Sana nga mi nga hurum yam tit mamba, wani ni Ma didina ba, nga mi tagam yima tita.

Hor ma tchina 3:37

Ni nge ba, mi de ba ahle ndazina a le ge? Ni Salad’a ba, mi he vuna d’uo zu?

Isai 8:10

Agi ngagi hurugiya, wani nga hur magina mba mi mbut ni vama hawa ya’â. Agi nga dagi zlad’a, wani zla ndata mba d’i le d’i, kayam Alona mi nga ki sed’emiya.

Romê-na 1:13

B’oziyona, an min ala agi wagi ala an min á iza hatagi yan ablaud’a, kayam sun manda ti vut adigagi d’igi ti vut aduk andjaf suma duniya suma hiuna na mi. Wani gak ki tchetchemba, an fe nga lovota d’i.

Ma tchi wala 9:10

Vama abong fuma, ang lum kad’eng manga pet, kayam sunda d’oze djib’era d’oze wad’ud’a d’oze ned’a a nga ata yima azulei ma ang nga i kuana d’i.

Zla d’a d’ogolâ 19:21

Djib’er ra kur sanid’a nablaud’a, wani ni nga hurâ hi Ma didinina ba, mba mi ndagat vunad’u.

Wana ni mbaktumba hi Job-pa 17:12

Azi nga dala andjeged’a ti mbut faleid’a, ata yima nduvunda ar go á mbad’ina, b’od’a ti hud’ï go!

Wana ni mbaktumba hi Job-pa 17:1

Job mi de kua ala: Muzugan mi ar go á matna, burun mi dap wa, a djugud’on wa zulun da’.

Zla d’a d’ogolâ 16:1

Sana nga mi nga hurum á le va, wani ni Ma didina ba, mi ndak vun zla ndata.