Wana ni mbaktumba hi Job-pa 16:5 - Bible azumeina

⁵ An mba ni hagi ad’enga ki zla d’a de d’a avunanda; zla d’a de d’a mba d’i ndavunanda, mba d’i b’lengêgi hurugi kur ndak magid’a mi.

Wana ni mbaktumba hi Job-pa 16:5 Referans Kwoze

Galat-na 6:1

B’oziyona, le sana mi puk kur tchod’a ni, agi suma Muzu’â hAlonina nga mi tagazi lovotina, agi hulongôm kur lovot ta d’ingêra ki lulumad’a. Wani ar nge nge pî adigagi mi gol tam djiviya, ar mi puk kur tcho ndata d’i.

Zla d’a d’ogolâ 27:17

Kaweina mi gurî ndram kaweina, sana mi zalî hur ndrama mi.

Zla d’a d’ogolâ 27:9

Mbulâ ki mbul ma his ma afufuîna, a nga le sana tam djivid’a; d’al ma banangâ mi dangzi ki hur ma tunina, mi lang tang djivid’a kal ma ang ngam kurung katang vangâ.

Sawal la giled’a 27:14

Ang tin hurung yam Ma didina, ang ve tang ad’enga, ar tang tchuk lus si. Ang tin hurung yam Ma didina.

Wana ni mbaktumba hi Job-pa 29:25

An kak kaziya, an tagazi lovota, an kak adigazi d’igi amulâ mi kak aduk azigar mama na d’igi sama mi de d’alâ mi suma huruzi b’la’â na mi.

Wana ni mbaktumba hi Job-pa 6:14

Sama nga kur ndakina, ni banama ba, mba mi wum hohowomu. Le d’uo ni, mba mi ar bei le mandara Alo ma ad’engêm kal petna.

Wana ni mbaktumba hi Job-pa 16:4

Ladjï agi vragagi ni blangân anu ni, an pî ni ndak á de zlad’a d’igi agi na mi. An mba ni tok zla d’a de d’a hina d’a á dagagiya, an mba ni kidjik yan ad’ugi mi.

Wana ni mbaktumba hi Job-pa 16:6

Le an de zlad’a pî, ndak manda nga d’i ban ndi. Le an ar bei de zlad’a pî, ndat mba d’i wal lei ki sed’en ni nana ge?

Wana ni mbaktumba hi Job-pa 6:25

Zla d’a de d’a gagazid’a ti nga d’i min sana, wani ngop magid’a zlat ni zla me ge?