Wana ni mbaktumba hi Job-pa 16:4 - Bible azumeina

⁴ Ladjï agi vragagi ni blangân anu ni, an pî ni ndak á de zlad’a d’igi agi na mi. An mba ni tok zla d’a de d’a hina d’a á dagagiya, an mba ni kidjik yan ad’ugi mi.

Wana ni mbaktumba hi Job-pa 16:4 Referans Kwoze

Sawal la giled’a 109:25

An mbut ni vama lasa avoroziya; ata yima a wana, a hle yazi woi ad’un vivik.

Sawal la giled’a 22:7

An mbut ni d’igi ndjuvulâ na, an ni sa d’i; suma a ngulunu, suma a golon is mi.

Hor ma tchina 2:15

Suma a nga kalâ pet a nga tchabozi kagu, a nga tchi kukurup, a nga kidjik yazi kak ndak gor weid’a Jerusalem, a nga dala: Wana nazì ma ngol ma a yum ala Ma djif ma kal tegles mala ni Furîd’a hi suma yam andagad’a petna na ko zu?

Jeremi 18:16

A mbut ambas mazid’a vama suma a le atchap kama, vama las ma gak didina. Suma a nga kal kurâ pet a nga le atchap kad’u, a nga kidjik yazi mi.

2 Amuleina 19:21

Ki tchetchemba, ang hum zla d’a an Ma didina nga ni dumzid’a ala: Ang Sanakerip, azì ma ngol ma Siyon-na mi golong is, mi san ad’ungû; Jerusalem mba djifâ ti hle yat tei ad’ungû.

1 Korente-na 12:26

Le ir hliu ta d’a tud’a nga kur ndaka ni, suma wana pet a nga ni kur ndaka ki sed’et mi. Le ir hliu ta d’a tud’a a nga suburud’u ni, suma wana pet a nga le furîd’a zlapa ki sed’et mi.

Romê-na 12:15

Ar agi lagi furîd’a ki suma a nga le furîd’ina. Ar agi tchigi ki suma a nga tchina mi.

Matiye 7:12

Kayam ndata, ahlena pet suma agi min suma lagizina, agi lazi mi suma dingâ na mi. Wana agi ndagagi ni vun gata hi Moise-sa ki hata hi suma djok vun Alonid’a.

Sofoni 2:15

Wana nazì ma ngol ma suma kuruma a nga subur tazi a nga kaka ki halasa a nga de kuruzi ala: Nazì meina wan tu go! Ma ding ma d’igi mam na na nga d’uo na. Suma a mba de kam ala: Ni nana ba, mi mbut djona ge? Mi mbut wa yima kaka hahle suma abageina. Suma a nga kal kuana pet a mba le atchap, a mba tchabozi kukup mi.

Ma tchi wala 10:14

Ma lilid’a nga mi i avogovok ki zla d’a ded’a. Sana nga mi we vama mi mba avina d’i. Ni nge ba, mba mi dum yam vama mba mi mba blogoma ge?

Zla d’a d’ogolâ 10:19

Sama tchit heîna nga mi ba bei le tchod’a d’i, wani sama nga mi ngom vunam ped’etna ni sama wäd’u zlad’ina.

Sawal la giled’a 44:14

Ang mbud’umi vama lasa avok ndromina, ang mbud’umi vama sanda avok suma a nguyumina.

Wana ni mbaktumba hi Job-pa 35:16

Ni kayam ndata ba, Job nga mi mal vunam mi de zla d’a hawa yayaka, nga mi zul zla d’a bei wat ad’ut ba d’a ni na mi.

Wana ni mbaktumba hi Job-pa 11:2

Zla d’a ded’a ablau d’a tchotcho d’a wanda, sana ndak á hulong zla d’a ded’a kat tuo zu? Ni sama de zlad’a ablaud’ina ba, mi mbut ma gagazina zu?

Wana ni mbaktumba hi Job-pa 6:14

Sama nga kur ndakina, ni banama ba, mba mi wum hohowomu. Le d’uo ni, mba mi ar bei le mandara Alo ma ad’engêm kal petna.

Wana ni mbaktumba hi Job-pa 16:5

An mba ni hagi ad’enga ki zla d’a de d’a avunanda; zla d’a de d’a mba d’i ndavunanda, mba d’i b’lengêgi hurugi kur ndak magid’a mi.

Isai 37:22

Ki tchetchemba, ang hum zla d’a mi dat kamba ala: Ang Sanakerip, azì ma ngol ma Siyon-na mi golong is, mi san ad’ungû, Jerusalem mba djifâ ti hle yat tei ad’ungû.

Jeremi 48:27

Agi suma Mowap-ma, agi gologi Israel-lâ ni vama sanda iragi adjeu d’uo zu? Adjeu agi ndumuzi naduk suma kula, agi nga dagi zla mazid’a ni ki yam mba kidjika mi d’uo zu?

Sawal la giled’a 22:8

Suma a golona pet a san ad’unu, a nga bet vunazi ad’unu, a nga hle yazi woi ad’un vivik mi.