Wana ni mbaktumba hi Job-pa 16:10 - Bible azumeina

¹⁰ A ngo vunazi woi atan á liginu, a nga ngulunu, a nga tumun agozlonu, a tok tazi kan mi.

Wana ni mbaktumba hi Job-pa 16:10 Referans Kwoze

Sawal la giled’a 35:15

Wani ata yima an puk kä na, azi tok tazi á le furîd’a, azi tok tazi kan á lan tchod’a bei an we ba, azi nga ton a nga kizagan ndei bei aran ba.

Sawal la giled’a 22:13

Man suma djangûna a nga mola geven d’igi amuzlei suma andjofâ na, a nguyun d’igi amburei suma ayî suma Basan-na na.

Sunda hi suma a sunuzinid’a 23:2

Ananiyas ma ngol ma ngat buzuna, mi he vuna mi suma a nga tchola gevema ala a tumum vunamu.

Mise 5:1

Ang azì ma Betelehem ma Efrat-na, ang ma akid’eid’a aduk azì ma dudubu ma Juda-nina, man ma mba mi te yam Israel-lîna mba mi ndeï ni kurungû, ni ma andjavam tcholï adjeu dedeina.

Hor ma tchina 3:30

Ar mi mbut agozlom mi sama nga mi toma, ar suma a kragam ngula mi.

Isai 50:6

An tin huyogon mi suma a tona, an tin agozlon mi suma a ndjud’un duduman ndeina, an ngei nga iran abo ngula d’oze abo ayô ma a tuvondji irana d’uo mi.

2 Korente-na 11:20

Le sana mi lagi magomba, d’oze le mi yogi ahle magina, d’oze le mi b’ad’agi ahle magina kad’enga, d’oze le mi subur tam kagiya, d’oze le mi tumugi iragi pî, agi nga vagi tagiya.

1 Amuleina 22:24

Ata yi máma na wat, Sedekiyas Kenäna goroma mi hut gen Mise, mi tumum agozlom ping, mi dum ala: Muzu’â hi Ma didinina mi nde kurun ndeï ni mindja ba, mi dang zlad’a ge?

Sunda hi suma a sunuzinid’a 4:27

Gagazi, kur azì ma ngol ma wana a kak djangûna kazong mang ma bei tchod’a ba na, nala, Jesus ma ang manama. Herot ki Pôs Pilat kandjaf suma dingâ ki Israel-lâ a zlap vunazi kamu.

Jean 18:22

Kid’a mi de hina dad’a, ma dingâ aduk suma a ngom yina suma a nga tcholina, mi tumum iramu, mi dum ala: Ang hulong zla d’a ded’a mi ma ngol ma ngat buzuna ni hina zu?

Matiye 26:67

Kayam ndata, a tuvom ayôna iramu, a tomu. Suma dingâ a tom kaboziya,

Sawal la giled’a 94:21

Azi nga tok tazi á kak djangûna ki suma d’ingêrâ, azi nga ka sariya d’a matna yam suma bei zlad’a kazi ba na.

Sawal la giled’a 35:21

Azi mal vunazi woi atanu, a dala: Âhâ! Âhâ! Irei wum wa!

2 Sunda Hamuleinid’a 18:23

Ata yi máma na wat Sedekiyas Kenäna goroma mi hut gen Mise, mi tumum agozlom ping, mi dum ala: Muzu’â hi Ma didinina mi nde kurun ndeï ni mindja ba, mi dang zlad’a ge?

Wana ni mbaktumba hi Job-pa 16:11

Alona mi han abo suma tchona, mi han abo suma asa’atna atogo zak.

Wana ni mbaktumba hi Job-pa 30:12

Suma tcho ndazina a tchol akulo yam bigan nda ndjufa, a kan asen azlinga, a nga min lovota kan á ban ndeyo.

Sawal la giled’a 3:7

An nga ni le mandara suma bubup suma a nguyun ata yima lara ge petna d’i.

Hor ma tchina 2:16

Mak suma djangûna pet a nga mal vunazi á dak zla d’a tchod’a, a mba tchi feta, a mba et siyazi a dala: Ei b’lagat wa! Gagazi, wana ni bur ma ei tini huri kama! Ei mbei wa kuru, ei weizi wa mi!

Sawal la giled’a 22:14

Azi mal vunazi atan d’igi azlo ma mi ve vana bugol mi oîna na.

Sawal la giled’a 56:6

Burâ ki burâ a nga mbut zla manda tchod’a, djib’er mazid’a pet ná lan tchod’a.