Wana ni mbaktumba hi Job-pa 14:2 - Bible azumeina

² Nga mi buzur rei d’igi b’od’a na, mi yak keyo, nga mi kal lei d’igi angusâ na, nga mi kak tatâ d’i.

Wana ni mbaktumba hi Job-pa 14:2 Referans Kwoze

1 Pierre 1:24

D’igi mbaktumba hAlonid’a ti de na ala: Suma pet a ni d’igi asuna na, subur mazid’a ti ni d’igi b’od’a hasu ma abageinid’a na mi. Asuna mi so, b’o mamba ti yak keyo,

Wana ni mbaktumba hi Job-pa 8:9

Kayam ei ni suma kamina, ei wei nga va d’i; bur mei ma yam andagad’ina mi ni d’igi angusâ nga mi pret na mi.

Jacques 4:14

Agi wagi nga vama mba ndjivina d’i. Agi ni me ge? Agi suma d’igi amborogei d’a ti ge ndjö bugola ti b’rau woid’a na na, agi ni me ko ge?

1 Sunda Hamuleinid’a 29:15

Ami nakoyogeina avorongû, ami ni suma mbeid’a yam andagad’a avorong d’igi abuyomi ngolo na. Burumi ma yam andagad’a kä hina ni d’igi anguzuna hawa na, ami nga ki hur ma tinda yam kak mamid’a d’i.

Sawal la giled’a 144:4

Sana mi ni d’igi fo d’a avun sanid’a na, burumî d’igi angusâ nga mi pret na mi.

Sawal la giled’a 102:11

Kur ayî mangâ ki hur mang ma zal ma gugulu’â, ang hlan gan ndei dei ki sed’engû.

Ma tchi wala 8:13

Wani sama asa’atna nga mi kak ki halasa d’i, mba mi te tatâ yam andagad’a d’uo mi, mba mi kal lei atogo d’igi anguzuna mi pretna, kayam mam nga mi le mandarâ avok Alona d’i.

Sawal la giled’a 92:12

Iran ndi mal lei yam suma a nga kud’uguna, human nga d’i hum zlad’a hi suma a tok tazi kan á tchana mi.

Sawal la giled’a 92:7

Sama bei ned’a mi ndak á wat ad’ut ti, sama lilid’a mi ndak á humut tuo mi.

Wana ni mbaktumba hi Job-pa 4:20

Yorogo dei gak tcha fladege a nga b’lagazi woyo, a nga bo woi ki irazi fafat, sa nga mi djib’er kazi d’uo d’a.

Wana ni mbaktumba hi Job-pa 15:33

Mam mba mi yak kei d’igi vud’a guguzlu d’a yak kei bei ned’id’a na, d’igi agu olifâ b’o mamba ti yak kei na mi.

Sawal la giled’a 37:2

Kayam azi mba so woi atogo d’igi asuna na, azi mba so woi d’igi asu ma nguloma na.

Sawal la giled’a 39:5

Ma didina, ang aran an we dabi manda, an we bur ma ang ngandjina ni ga ge? An wala ni mindja ba, an mba ni mit ke?

Sawal la giled’a 39:7

Gagazi, sana mi tit ni d’igi angusâ nga mi pret na; mi le sunda, mi kau tamî hawa yak; mi tok ahlena, nga mi we sama mba mi yozina d’i.

Sawal la giled’a 102:5

An mbut ni d’igi asu ma a ngad’am mi so woina na, an mar yam te mana mi.

Sawal la giled’a 102:12

Burun nga mi pret d’igi angusâ mi pret na; an ni mbut ni d’igi asu ma so woina na.