Wana ni mbaktumba hi Job-pa 14:15 - Bible azumeina

¹⁵ Ang mba yanu. Ata yi máma an mba ni hulongông humba, kayam ang min á wan an ma ang lan kabongâ!

Wana ni mbaktumba hi Job-pa 14:15 Referans Kwoze

Sawal la giled’a 138:8

Ma didina, ang mba lahle suma djivina yam anu; Ma didina, o manga nga d’i dap pi, ang ar sun nda ang lat kabonga woi d’i.

Wana ni mbaktumba hi Job-pa 13:22

Bugola, ang vanu, an mba ni hulongông humba, d’oze, le an de zlad’a ni, ang mba hulongôn humba.

Wana ni mbaktumba hi Job-pa 10:3

Na ni djivid’a irang á lang tchod’a, á gol vama ang luma is, á ndjun zla d’a suma asa’atna a nga huruzi kata zu?

1 Pierre 4:19

Kayam ndata, suma a fe ndaka yam minda hAlonid’ina, ar a i avogovok kur djivi d’a led’a, a he tazi abo Ma d’engzeng ma lahlena petna mi.

1 Tasaloni’â 4:17

Bugola, ei suma arei ki irei tua na, Alona mba mi zlabei yod’a ki sed’ezi tu sä akulo kur d’ugula á d’ugol Salad’a akulo kur simetna. Hina wani, ei mba kagei ki Salad’a gak didin.

Wana ni mbaktumba hi Job-pa 10:8

Ni ang ba lanu, ang minin kabong mi. Hina pet wani, ang min b’lagan ndei zu?

Wana ni mbaktumba hi Job-pa 7:21

Ni kayam me ba, ang vat hurung ngei yam tcho manda d’uo ge? Ni kayam me ba, ang mar rei yam tcho manda d’uo ge? Ki tchetchemba, an nga ni i bur kä aduk andaga d’a gugud’upa; ang mba halanu, wani ang mba fan nduo d’a.

1 Jean 2:28

Grona, ki tchetchemba, agi kagagi zlapa tu ki Christ, kayam fata mam nde woid’a, ei mba kagei bei mandarâ ba. Kur bur ma mba mambina, zulona mba mi lei avorom mbuo mi.

Wana ni mbaktumba hi Job-pa 14:14

ladjï sana mi mit mi hulong mi kak karid’a ni, an mba ni djup bur man ma sunda gak bur ma ang mba á hulongôn blangânina!