Wana ni mbaktumba hi Job-pa 13:11 - Bible azumeina

¹¹ Ngol mamba mba d’i pad’agi vunadigagi d’uo zu? Mandaram mba mi lagi mi d’uo zu?

Wana ni mbaktumba hi Job-pa 13:11 Referans Kwoze

Sawal la giled’a 119:120

Hliwin nga mi zlak ki mandarâ djidjik avorongû, an nga ni ring mandara sariya mang nga kad’a mi.

Wana ni mbaktumba hi Job-pa 31:23

Kayam ndaka ti tcholï nata Alona, an nga ni le mandarâ, an ndak nga va avok ngol mam mba kal teglesa d’i.

Matiye 10:28

Ar agi lagi mandara suma a tchagi hliwigi suma ndak á tchagi muzugagi d’uo na d’i. Kal pet, agi lagi ni mandara Alo ma ndak á tchi hliu tad’a ki muzu’â djak á izi aduk aku d’a Jahanama-d’ina.

Jeremi 10:10

Wani Ma didina nAlo ma gagazina, nAlo ma arina, namul ma didina. Le hurum zala ni, suma yam andagad’ina a nga zlak avoromu. Andjaf suma a ndak á ve tazi avok ayî mam ma bibiliuna d’uo mi.

Jeremi 5:22

Ma didina mi de kua ala: Agi nga lan mandaran nduo zu? Agi nga zlagagi avoron nduo zu? An ni ma he alum ma ngolâ lesâ á haga d’a didindina. Mam ndak á tchila kat tuo mi. Abil mama nga mi sulula, wani mi nga kad’enga á kal lei kat ti, nga mi le abilâ guguzlubut, wani nga mi tchila woi kat tuo mi.

Isai 8:13

Ma didin ma ad’engêm kal petna tu ba, agi wagi ala ni Ma bei tchod’a ba na. Ni mam tu ba, agi lum mandaramu, ni mam tu ba, agi zlagagi avorom mi.

Wana ni mbaktumba hi Job-pa 13:21

Ang hlabong ma nga mi tchan anekina woi kanu, ar mandarang mi pad’an vunadigan ndi.

Buzuk ka Abud’a 15:16

Vunadigazi mba d’i pat fek, mandarâ mba mi lazi ngola. Yam ad’eng mang nga ang tagat teid’a, azi mba ngel lei d’igi ahinad’a na gak sum mangâ a mba kal tua, gak suma ang prud’uzi woina a kal tua mi.

Wana ni mbaktumba hi Job-pa 13:12

Zla magi d’a d’ogola ni d’igi butna na, zla magi d’a ded’a ni d’igi gulumun ma lubuna na mi.