Wana ni mbaktumba hi Job-pa 12:6 - Bible azumeina

⁶ Suma murud’umba a nga ki djib’era avo hatazi d’i, suma a nga djo Alona ki zlad’ina, va nga mi lazi d’i, a nga walo ma ding ngi, nad’eng mazid’a hol!

Wana ni mbaktumba hi Job-pa 12:6 Referans Kwoze

Wana ni mbaktumba hi Job-pa 9:24

Mi handagad’a abo suma asa’atna, mi duk ir suma ka sariyad’a woyo! Le ni mam mbuo ni, ni nge ge?

Jeremi 5:27

Gola! Aziyazi mi oî ki mbut ira d’igi gong nga ngom aluweina ti oî kaluweina na. Kayam ndata, a mbut ad’enga, a mbut suma ndjondjoîna mi.

Sawal la giled’a 37:35

An we sama asa’atna mi nga tchola ad’enga, nga mi ruî woi d’igi agu ma ngulom ma nga tchola ata yima mi deî kuana na.

Sawal la giled’a 37:1

Ni sawal la David mi hlata. Ar hurung zal ata suma asa’atna d’i, ar hurung hat ata suma a nga le sun nda ata yat tuo d’ina d’i.

Sawal la giled’a 17:14

Ma didina, ang prud’un ndei abo sum ndazina. Azi ni suma yam andagad’a ka hina. Suma b’rau mazid’a ni ka hî kur duniya ndatina. Ang hobozi hayazi ki vama ang ngazizi kazina, ang hobozi grozina, a ar ad’ud’a mi grozi ngolona mi.

Wana ni mbaktumba hi Job-pa 22:18

Wani ni mam ba, mi oyôzi aziyazi kahle suma djivina. Wani va ndolon nga ki d’alâ hi suma asa’atnina d’i.

Wana ni mbaktumba hi Job-pa 12:5

Ni zla d’a hohoud’a yam ma a golom isâ! Wana ni djib’era hi suma a nga kaka ki halasina. Azi nga de zla ndata ni mi suma asezi mi ka azlard’eid’ina.

Wana ni mbaktumba hi Job-pa 12:7

Ang djop ambureina, a mba had’angû, aluwei suma akulona a mba dangzi mi.

Wana ni mbaktumba hi Job-pa 24:23

Mi nga mi hazi yima kak ma halasâ ki hur ma tinda, mi nga mi tin iram yam lovot mazid’a mi.

Sawal la giled’a 92:7

Sama bei ned’a mi ndak á wat ad’ut ti, sama lilid’a mi ndak á humut tuo mi.

Jeremi 12:1

Jeremi mi dala: Ma didina, angî Ma d’ingêr ma kal teglesâ. An ndak nga á le sariyad’a ki sed’eng ngi. Wani an min djobong yam sariya mang nga kad’a ala: Ni kayam me ba, suma asa’atna a nga fe djivid’a ge? Ni kayam me ba, suma mbut ira a nga kaka ki halasa ge?

Wana ni mbaktumba hi Job-pa 15:13

Ata yima ang djok djib’er ra tchod’a á kak djangûna kAlonina, andjaf zla d’a tchod’a ti ndavunang wan nduo zu?

Sawal la giled’a 73:3

Kayam hurun nga mi hat ata suma yam mba ad’enga, ata yima an wahlena hi suma asa’atnina a nga zulâ.

Jeremi 5:28

Azi nga d’orâ, tazi nga d’i ngal wiwilik, a nga le tcho d’a kal kazid’a, a nga d’el vama tchona d’i, a nga ka sariyad’a hi suma hokuyod’id’a d’i, a nga i avogovogo, a nga ka sariyad’a hi suma houd’id’a ata yat tuo mi.

Habakuk 1:11

Ad’engêzi nga d’i i avogovogo, nga d’i kal d’igi simetna na; ad’engêzi nalo mazina.