Wana ni mbaktumba hi Job-pa 12:5 - Bible azumeina

⁵ Ni zla d’a hohoud’a yam ma a golom isâ! Wana ni djib’era hi suma a nga kaka ki halasina. Azi nga de zla ndata ni mi suma asezi mi ka azlard’eid’ina.

Wana ni mbaktumba hi Job-pa 12:5 Referans Kwoze

Matiye 25:8

Suma lilid’a a de mi suma ned’a ala: Agi hami mbul do, kayam lalam mamid’a ti mit ni mid’a.

Zla d’a d’ogolâ 13:9

Sama d’ingêrâ nga mi b’o ndinding d’igi b’od’a na, wani sama asa’atna mi ni d’igi lalam mba mit teid’a na.

Sawal la giled’a 17:5

An nga ni tit kur lovot manga, asen nga mi djok kei d’i.

Wana ni Zla d’a Djivi d’a Luc mi b’irita 12:19

An mba ni de mi tan ala: Ang nga kahlena ngola kur avureina á le bizad’a ablaud’a. Ang tuk tangû, ang te, ang tche, ang le furîd’a.

Jeremi 13:16

Agi suburugi Ma didina Alo magina avok ka bei mam mba ki nduvundid’a, avok ka bei asegi mi dap kahuniyôna kur yima nduvundid’a. Agi nga djubugi b’od’a, wani mam mba mi mbud’ut nduvunda. Mba mi mbud’ut nduvunda d’igi d’ugul la wura d’a i’îlika na.

Zla d’a d’ogolâ 20:20

Sama mi yahlena yam abum kasuma, mba mi mit tei d’igi lalamba ti mit tei aduk andjege dangâla na.

Sawal la giled’a 94:18

Ata yima an nga ni dala: An nga ni puk kä na, Ma didina, o mang nga didinda nga d’i ndjununu.

Wana ni mbaktumba hi Job-pa 18:5

Gagazi, b’od’a hi sama asa’atnid’a mba d’i mit teyo, sin aku mam mba nga d’i trâd’a mba d’i b’o woi d’uo mi.

Wana ni mbaktumba hi Job-pa 16:4

Ladjï agi vragagi ni blangân anu ni, an pî ni ndak á de zlad’a d’igi agi na mi. An mba ni tok zla d’a de d’a hina d’a á dagagiya, an mba ni kidjik yan ad’ugi mi.

Wana ni mbaktumba hi Job-pa 6:5

Le koro ma abageina hatna mi nga d’ufa gevem kä ni, mi tchi zu? Le amuhlâ hatna mi nga avunam kä ni, mi tchi zu?

Gat ta a hat á mbàd’id’a 32:35

Atchugul la sad’a ni manda; ni an ba mba ni sad’azi yam sun mazi d’a led’a, kur bur ma asezi mi ka azlard’eid’ina. Kayam bur ma ndaka mba kazina mi ar go, dabi mazid’a mba d’i mba kazi atogo zak mi.

Wana ni mbaktumba hi Job-pa 12:4

Ata yima an yAlona mi hulongôn humbina, an mbut ni sama buniyôma a san ad’uma! An sama irat ma d’ingêrâ, ni mbut ni vama sanda!

Wana ni mbaktumba hi Job-pa 12:6

Suma murud’umba a nga ki djib’era avo hatazi d’i, suma a nga djo Alona ki zlad’ina, va nga mi lazi d’i, a nga walo ma ding ngi, nad’eng mazid’a hol!