Wana ni mbaktumba hi Job-pa 1:20 - Bible azumeina

²⁰ Ata yi máma Job mi tchol akulo, mi haû baru mam mba ngola woi atamu, mi kar yam mbei karb’ahl, mi ge tam kä andaga mi grif kä,

Wana ni mbaktumba hi Job-pa 1:20 Referans Kwoze

1 Pierre 5:6

Kayam ndata, agi gagi yagi kä ad’u abo ma ad’enga hAlonina, kayam mam mba mi hlagi yagi akulo ata yima mi ngama.

Esdras 9:3

Ata yima an hum hina na, an haû baru mana ki baru manda ngola woyo, an ndjut yan ndei ki dudumanu, an i kak kä ki hur ma hata ngola.

Ad’u Tinda 37:34

Jakob mi haû baru ma atama woyo, mi djin ziyona furumu, mi tchi goroma burâ ngola.

Ad’u Tinda 37:29

Ruben mi hulong mba avun golonga, mi fe nga Josef fi, mi haû baru mamba woyo,

Gat ta a hat á mbàd’id’a 9:18

Moise mi de kua ala: Bugol ahle ndazina, an grif kä avok Ma didina, an le burâ dok fid’i falei kandjege d’igi an ladjeu na bei ni te tena, bei ni tche mbina ba, kayam tcho d’a pet ta agi lata, kahle suma tcho suma agi lazi avok Ma didina á zalam huruma.

Matiye 26:39

Mi hut sä avok hina nde, mi ge tam kä, mi tchen ala: Abunu, le ndak hina ni, ang hle kop ma ayî ma wana woi kanu. Wani ang le ni ata min manda d’i, wani ang le nata min manga.

2 Sunda Hamuleinid’a 7:3

Israel-lâ pet a waku d’a tcholï akulod’a ki subura hi Ma didina d’a yam gongid’a, a hud’o kä, a grif kä ki irazi andaga hur gonga, a kud’or Ma didina, a gilem ala: Mam mi Ma djivina. O mamba nga d’i dap pi.

Josue 7:6

Josue ki suma nglo suma Israel-lâ, a haû baru ma atazina woyo, a tchuk andagad’a kaziya, a grif kä andaga ki irazi avok zandu’â hi Ma didinina, a ar bur kä ata yi máma gak fladege.

2 Amuleina 2:12

Ata yima Elise mi we hina na, mi er ad’um akulo ala: Iba! Iba! Pusâ hi Israel-lîna ki suma djangâma! Bugola, mi we Elie d’uo d’a. Kayam ndata, mi ve baru mamba, mi hawât tei aduk mbà.

Wana ni mbaktumba hi Job-pa 1:19

Gol wani, babar ma ngolâ mi tcholï abo ma hur fulîna, mba mi giget gonga kengêt ma fid’ina, ti dris kä yam grong ndazina, a bo. Ni an tu ba, ni sud’a, ni mba á dang wana!

Wana ni mbaktumba hi Job-pa 2:12

Kid’a a golomî woi hina dei d’a, a vid’imu, a nde tchina ki delezi akulo, a haû baru mazi d’a nglod’a woi ataziya, a tchuk andagad’a akulo kaziya.

Jeremi 7:29

Ma didina mi dala: Agi suma Juda-na, agi ngad’agi tumus sa kagi d’a fuyogei d’a tak kei ala agi tinigi tagi irat vad’u d’a, agi tchugut teyo, agi i gagi horâ akulo yam ahuniyô suma fuyogei suma va nga kazi d’uo na. Agi nandjaf ma nga mi djon ayî manina; an nga ni minigi d’uo d’a, an nga ni aragi woyo.

Joel 2:13

Agi hawâgi ni baru magina d’i, wani agi hawâgi ni hurugiya. Agi hulongôgi gen Ma didina Alo magina, kayam mam mi ma sumad’a, ni ma we hohowa sumina, nga mi mbut ayîna atogo d’i, ni ma o mamba nga d’i dap puo na, nga mi ar ngop pa mam nga hurum kat á ngopid’a woyo.

Buzuk ka Abud’a 4:31

Sum ndazina a he gagazid’a, a wala Ma didina mi mba wa gevezi á ndjunuziya, mi wazi wa ndak mazid’a. A tchuk guguvazi kä, a kud’uromu.