Wana ni mbaktumba hi Job-pa 1:1 - Bible azumeina

¹ Adjeu sana nga kur andaga d’a Us-sa, a yum ala Job. Ni sama iratna, ni sama d’engzengâ mi. Ni sama nga mi le mandara Alona, ni sama nga mi min tchod’a d’uo mi na.

Wana ni mbaktumba hi Job-pa 1:1 Referans Kwoze

Jacques 5:11

Gola! Ei nga yorozi kayam azi ve tazi ad’enga. Agi humugi wa zla ve tad’a hi Job-pa. Agi wagi vama Ma didina mi le ki sed’em bugolâ, kayam Ma didina ni ma we hohowa sumina, ni ma sumad’a mi.

Ezekiyel 14:14

le suma a nga kur ambas ndata hindi d’igi Noe ki Danel ki Job na pî, a mba sut tei ni yam d’ingêr mazid’a hol. An Salad’a Ma didina ni de na.

Ezekiyel 14:20

le Noe ki Danel ki Job a nga kurut pî, an Salad’a Ma didin ma bei matna nga ni de, azi mba sut gro andjof foze gro arop puo mi, a mba sut tei ni yam d’ingêr mazid’a hol.

Wana ni mbaktumba hi Job-pa 28:28

Bugola, mi de mi sana ala: Gagazi, le mandara Ma didina ni ned’a, wal tang ngei dei ki tchod’a ni wad’ud’a mi.

Wana ni mbaktumba hi Job-pa 2:3

Ma didina mi de mi Seitan ala: Ang we ni me ata azong mana Job ke? Sama yam andagad’a d’igi mam na na nga d’i. Ni sama iratna, ni sama d’engzengâ mi. Ni sama le mandara an Alonina, ni sama nga mi min tchod’a d’uo mi na. Mi nga tchola ad’enga kur d’engzeng mamba mi. Ang zud’un á b’lagam mbei ni hawa na!

Wana ni mbaktumba hi Job-pa 1:8

Ma didina mi de mi Seitan ala: Ang we ni me ata azong mana Job ke? Sama yam andagad’a d’igi mam na na nga d’i. Ni sama iratna, ni sama d’engzengâ mi. Ni sama le mandara an Alonina, ni sama nga mi min tchod’a d’uo mi na.

Ad’u Tinda 6:9

Wana ni zla d’a ded’a yam Noe-d’a: Noe ni sama d’ingêr ma d’engzengâ avok Alona, mi tit zlapa kAlona.

Wana ni Zla d’a Djivi d’a Luc mi b’irita 1:6

Azi djak ni suma d’ingêrâ avok Alona, a ge yazi kä ad’u gata ki vun ma hed’a hi Salad’ina pet.

Zla d’a d’ogolâ 8:13

Le mandara Ma didina ni lovot ta noî tchod’a. Yam mba ad’enga, subur tad’a, tit ta tchod’a ki zla d’a de d’a ata yat tuo d’a nahle suma an minizi d’uo na.

Ad’u Tinda 22:12

Malaikana mi hulong dum kua ala: Ang tin abong ata gorongâ d’i, ang lum va d’uo mi. Ki tchetchemba, an wala ang nga le mandara Alona, kayam ang d’elen nga gorong ma tu gid’engâ bei hed’a d’i.

Ad’u Tinda 17:1

Kid’a Abram bizam ndak dok zlengâ yam zlengîd’a, Ma didina mi nde tam mbei iramu, mi dum ala: An nAlo ma ad’engên kal petna; ang tit avoron d’ingêr ndak memet.

Hor ma tchina 4:21

Ndak gor weid’a Edom, ndak ka nga kaka yam andaga d’a Us-sid’a, ndak ayâ, ndak le furîd’a. Wani kop ma sariyad’a nga mi mba kagu. Ndak mba d’i gurut kiya, ndak mba d’i ar gandilad’a.

Zla d’a d’ogolâ 16:6

Ni yam djivid’a ki gagazid’a ba, a has tchod’a woyo, ni yam led’a le mandara Ma didinid’a ba, sana mi wal lei ki tchod’a.

2 Amuleina 20:3

Ma didina, ang djib’er yam tit ta an nga ni tit avorong memet ki hur ma tuna burâ ki burîd’a; an nga ni le sun nda djivid’a avorong burâ ki burâ mi. Ezekiyas mi tchi ngola.

1 Pierre 3:11

Ar mi wal lei ki tchod’a, mi le ni djivid’a. Mi hal b’leng nga halasa, mi tit blogot mi.

Jeremi 25:20

An hum mangoyogei suma a nga kaka avo Ezipte-na, mamulei suma yam ambas sa Us-sa pet kamulei suma yam ambas sa Filistê-d’a pet, mi suma Askalon-na, mi suma Gaza-na, mi suma Ekron-na ki suma a ar kaka Asdot-na pet mi.

1 Sunda Hamuleinid’a 1:42

Eser groma ba wana: Bilhan, Zävan ki Jäkan. Disan groma ba wana: Us ki Aran.

1 Sunda Hamuleinid’a 1:17

Sem groma ba wana: Elam, Asur, Arpaksat, Lut, Aram, Us, Hul, Geter ki Mesek mi.

Buzuk ka Abud’a 18:21

Ang man suma nda’â aduk suma a le mandara Alonina suma gagazi suma a nga ve bege d’a mbut ira abo suma d’uo na. Ang tinizi suma ka sariyad’a yam suma dudubuna, yam suma kikisâ, yam suma dok vahl dok vahlâ, yam suma dodogona mi.

Ad’u Tinda 36:28

Wana ni Disan groma: Us ki Aran.

Ad’u Tinda 10:23

Aram groma ba wana: Us, Hul, Geter ki Mas.

Ad’u Tinda 42:18

Kur bur ma hindina Josef mi dazi ala: An ni sama le mandara Alona; le agi min sud’ugi tagiya ni, agi lagi hina.

Gat ta a hat á mbàd’id’a 18:13

Kayam ndata, agi hagi tagi pet mi Ma didina Alo magina.

Wana ni mbaktumba hi Job-pa 4:6

Le mandara Alo mang ang nga lum mandarama ni vama ndjunungâ d’uo zu? Tin hur mangâ ni d’engzeng mang nga avok Alonid’a d’uo zu?

Wana ni mbaktumba hi Job-pa 9:21

Le an ni sama bei zlad’a kana pî, an min kak ki iran ndi, an gol tan is mi.

Zla d’a d’ogolâ 3:7

Ar ang gol tang ala angî sama ned’a d’i, ang le mandara Ma didina, ang wal tang ngei ki tchod’a mi.

Zla d’a d’ogolâ 14:2

Sama nga mi tit tit ta d’ingêrina nga mi le mandara Ma didina, wani sama nga mi tit tit ta gundina nga mi golomî is.

Zla d’a d’ogolâ 14:16

Sama ned’a nga mi le mandara tchod’a, mi wal tam mbei ki sed’ed’u, wani sama lilid’a nga mi nga atogo zak á led’a, nga mi le mandar ri.

Zla d’a d’ogolâ 16:17

Suma d’ingêrâ a nga wal tazi woi ki tchod’a kur tit mazid’a, sama mi ngom tam kur tit mamba ped’etna mi nga mi ngomî ari mamba.

Zla d’a d’ogolâ 20:7

Sama d’ingêr ma nga mi tit kur d’engzeng mambina, grom suma a mba ar blogoma a mba fe djivid’a!