Jeremi 8:15 - Bible azumeina

¹⁵ Ei tini huri ni yam halasa, wani vama djivi nga mi mba d’i. Ei nga djubi yima suta, wani ahle suma mandarâ a mba ni aziya.

Jeremi 8:15 Referans Kwoze

Jeremi 14:19

Suma Juda-na a dala: Ma didina, ang arami ni ami suma Juda-na woi ki irang fafat tchu? Ang golî Siyon is su? Ni kayam me ba, ang tomiya, ang nga tchilimi mbilimi d’uo ge? Ami tinimi hurumi ni yam halasa, wani vama djivi nga d’uo; ami djubumi ni suta, gol wani, ni tchina.

1 Tasaloni’â 5:3

Fata suma a dala: B’leng nga halasa ki djivid’a a nga d’a, ata yi máma na wat, bad’a mba d’i nde kazi d’igi vuta ti nde yam atcha d’a wirâ na, a mba prut tei d’uo mi.

Mise 1:12

Suma Marot-na a nga djib’er yam djivi mazid’a, kayam ndaka ti tcholï ata Ma didina gak ti i avun agrek ma Jerusalem-ma.

Jeremi 8:11

Azi nga djin mbilâ hi sum manina hina lologod’or, a nga dala: Halasa nga! Halasa nga! Wani halasa nga d’uo ko.

Jeremi 4:10

Ata yi máma an dala: Salad’a Ma didina, ang lop sum ndazina ki suma Jerusalem-ma ni loba, kayam ang dala: Agi mba kagagi ki b’leng nga halasa, wani mbigeu d’a fiyaka ti nga tinda kelemi á ngata.

Wana ni mbaktumba hi Job-pa 30:26

An tin hurun ala an ni fe ni djivid’a, wani ndaka mba ni ndad’u; an djup mi b’od’a, wani nduvunda ti mba ni ndat zang.

Jeremi 6:25

Ar agi buzugugi abagei kel li, agi tid’igi hur lovota d’i, kayam ma djangûna mi nga kua ki mbigeu mam mba fiyaka abomu. Mandarâ mi nguyi kä ata yina pet.

Jeremi 12:12

Suma b’lak yina a nga djï yam ahuniyô suma fuyogei suma va nga kazi d’uo na, kayam mbigeu d’a fiyaka hi Ma didinid’a nga d’i kizak suma kur ambasina, tinï ad’ud’a avun ambasa abo hî dei gak nde woi avun ambasa abo hî. Sama kak ki halasina nga tu d’i.

Ezekiyel 7:25

B’laka nga d’i djïya! Azi mba hal b’leng nga halasa, wani azi mba fat ti!