Jeremi 7:30 - Bible azumeina

³⁰ Ma didina mi dala: Suma Juda-na a le sun nda tchod’a avoronu, a tin filei mazi ma ndjendjed’a kur gong nga a tchenen kuad’a á mbud’ut ndjendjed’a.

Jeremi 7:30 Referans Kwoze

Ezekiyel 7:20

Azi subur tazi yam ahle mazi suma ndjondjoî suma djifâ, a yorozi filei mazi ma ndjendjed’a. Ni kayam ndata ba, an mba ni mbud’uzi ahle suma ndjendjed’a iraziya.

Jeremi 32:34

A nga tin filei mazi ma ndjendjed’a kur gong nga a kud’uron kuad’a á mbud’ut ndjendjed’a.

Daniel 9:27

Mam mba mi le suma kad’enga ablaud’a á djin vunazi ki sed’em gak bizad’a kid’iziya. Kur biza d’a hindi ki nusid’a, mam mba mi d’elezi á hahle suma ngat buzuna ki he d’a hawad’a. Ma b’lak yina mba mi ndak vun sun mam mba ndjendjed’a atogo zak, gak b’lak ka a ngata ti nde yam ma b’lak yi máma.

2 Sunda Hamuleinid’a 33:7

Mi tin filei ma mam tched’ema kur gong nga kud’ora hAlona d’a mam de mi David azi ki goroma Salomon kat ala: Ni kur gong nga kur Jerusalem mba an manat aduk andjafâ hi Israel-lâ peta ba, simiyên mba mi kak kua gak didinu d’a.

2 Amuleina 21:7

Mi tin alo d’a a yat ala Asera d’a mam minita kur gong nga kud’ora hi Ma didina d’a mam de mi David azi ki goroma Salomon kat ala: Ni kur gong nga avo Jerusalem mba an manat aduk andjafâ hi Israel-lîna peta ba, simiyên mba mi kak kua gak didinu d’a.

2 Amuleina 21:4

Mi min yima ngal ahle suma ngat buzuna teteng á kud’or fileina kur gong nga kud’ora hi Ma didina d’a Ma didina mi de kat ala: Ni kur Jerusalem ba, simiyên mba mi kak kua d’a.

Jeremi 23:11

Ma didina mi dala: Suma djok vuna ki suma ngat buzuna tazid’a a ni suma b’laka. An fe sun mazi d’a asa’at ta azi lat kur gong mandid’a.

2 Sunda Hamuleinid’a 33:15

Mi yo alona handjaf suma dingîna ki filei ma a tched’ema woi kur gong nga kud’ora hi Ma didinid’a, mi to yima ngal ahle suma ngat buzu suma mam minim yam ahina d’a gonga hi Ma didinid’a nga kua avo Jerusalem-ma woyo, mi tchugum sä woi bugol azì ma ngolâ.

2 Amuleina 23:12

Mi to yima ngal ahle suma ngat buzu ma teteng ma amulei suma Juda-na a minim akulo yam gonga hi Ahas-sina ki ma Manase mi minim kur atrang nga mbà d’a avun gonga hi Ma didinid’ina, mi pleyêzi woi ndjandjap. Ata yi máma, mi yozi mi tchuguzi sä woi kur toliyon nda Kedron-nda.

2 Amuleina 21:3

Mi hulong mi min yima nding ma teteng ma kud’or filei ma abum Ezekiyas mi tom mbeina akulo. Mi min yima ngal ahle suma ngat buzuna teteng á kud’or alo ma a yuma ala Bäl-lâ, mi pagu ma murgulina malo d’a a yat ala Asera-d’a d’igi Ahap amul ma Israel-lâ mi ladjeu na, mi nga mi grif kä avok ahle suma akulona, nga mi kud’urozi mi.

2 Sunda Hamuleinid’a 33:3

Mi hulong mi min yima nding ma teteng ma tuwal filei ma abum Ezekiyas mi tom mbeina akulo. Mi min yima ngal ahle suma ngat buzuna teteng á kud’or alo ma a yum ala Bäl-lâ, mi pagu ma murgulina malo d’a a yat ala Asera-d’a, mi nga mi grif kä avok ahle suma akulona, nga mi kud’urozi mi.

Isai 66:4

Wani an mba ni mba ki ndaka kazi yam sun mazi d’a ndjendje ndata, an mba ni mba kahle suma mandarâ kazi kayam an yiya, wani sa mi hulongôn nga humba d’i, an de zlad’a, wani azi humun nga d’i. A le ni sun nda tchod’a avoronu, a man ni vama an tan nga d’i lan djivid’a kam mbuo na mi.

Jeremi 16:18

Avok ahle ndazina an mba ni wuragazi yan mbà yam tchila mazid’a ki tcho mazid’a, kayam azi mbut ambas manda ndjendjed’a ki har ra ahle mazi suma ndjendjed’a, a oî ambas sa ala ni djo mana d’a kahle mazi suma ndjendjed’a mi.

Jeremi 32:35

A nga min yima nding ma kud’ora mi Bäl kur hor ra Ben-Hinom-mba á he grozi suma andjofâ ki grozi suma aropma vama ngat buzu ma ngala mi Molok mi. Ni vama an hazi vuna kam mboze mi tchol nga ata djib’er manda d’uo na. A nga le sun nda ndjendje d’a hina d’a á zut suma Juda-na á le tchod’a.

Daniel 11:31

Mba mi sunï azigarâ, a mba hle yina avun azì ma ad’eng ma ngungu ma a tinim iram vama, a mba mbud’um ndjendjed’a, a mba d’el ahle suma ngat buzu suma a hazi mAlona burâ ki burîna, a mba tin vama ndjendje ma tcho ma kal teglesâ yam yima ngal ahle suma ngat buzuna.

Ezekiyel 8:3

Mi mad’ï vana mi hle tam d’igi abona na, mi van tumus sa kanda. Kur vama ndum mbei ma mi tcholï ata Alonina, Muzu’â mi hlan ndei akulo aduk andaga kakulod’a, mi i tinin avo Jerusalem avun agrek ma krovona abo ma norâ, ni yima a tin nga filei ma Alona hurum nga mi zal kama kuana.