Jeremi 7:15 - Bible azumeina

¹⁵ An mba ni digigi woi avoron dei d’igi an dik b’oziyogina andjafâ hi Efraim-ma woi na mi.

Jeremi 7:15 Referans Kwoze

Jeremi 15:1

Ma didina mi dan ala: Le Moise azi ki Samuel a mba avoron á tchenen yam sum ndazina ni azi pî, tan mba d’i lan djivid’a yam sum ndazina d’i. Ang digizi sä woi dei avoronu, arazi a iya!

Wana ni mbaktumba hi Oze-d’a 13:16

Suma Samari-na zlad’a mba d’i vaziya, kayam a kak djangûna kAlo mazina. A mba tchazi avun ayîna, a mba ndjirebezi grozi suma gureina woyo, amiyôzi suma wirâ, a mba zazi huruzi woi mi.

Jeremi 52:3

Ahle suma a le ndazina a djiu ayîna hi Ma didinina á kak djangûna ki suma Jerusalem-ma ki suma Juda-na gak mi digizi woi dei avoromu. Sedekiyas mi tchol huneîd’a kamul ma Babilon-na.

2 Amuleina 17:23

Kayam ndata, Ma didina mi digizi woi dei avoromu, mi izi magomba yam andaga d’a Asiri-d’a gak ini d’igi Ma didina mi de woi avun azungeî mam suma djok vuna pet na.

Wana ni mbaktumba hi Oze-d’a 12:1

Suma Efraim-ma a nguyun kä ki zla d’a kad’a, andjaf suma Israel-lâ a nguyun kä ki mbut ira. Suma Juda-na a nga zlapa ki an Alona tua, a ni suma d’engzengâ avogon an Alo ma bei tchod’a ba na mi.

Wana ni mbaktumba hi Oze-d’a 9:9

Agi tub’agagi tagi ki tchod’a d’igi agi lagi adjeu avo Gibeya na, wani Ma didina nga mi djib’er yam tcho magid’a, mba mi ngobogi yam tchila magid’a.

Wana ni mbaktumba hi Oze-d’a 9:3

Suma Efraim-ma a mba kak kur ambasa hi Ma didinid’a d’i. Azi mba hulong kur ambas sa Ezipte-d’a, a mba i Asiri á te te ma ndjendjed’a.

Wana ni mbaktumba hi Oze-d’a 1:4

Ma didina mi dum ala: Ang yum ala Jisreyel, kayam ar ndjö an nga ni mba á ngop andjafâ hi Jehu-na yam mat ma mi tchum avo Jisreyel-lâ. An mba ni d’el leu d’a ted’a aduk andjafâ hi Israel-lâ.

Jeremi 23:39

An mba ni maragi woi ki iran fafat, an mba ni tchugugi woi dei avoron zlapa kazì ma ngol ma an hagizi mi agi kabuyogi ngolona,

Jeremi 3:8

Ata yima an ni dik Israel suma a tcha tatana woi yam mizeu mazina, an hazi mbaktum mba dika, an wala b’oziyozi suma Juda suma bei d’engzengâ a le nga mandarâ yam zla ndata d’i, wani a i a le gaulangâ mi.

2 Sunda Hamuleinid’a 15:9

Mi tok suma Juda-na ki suma Benjamin-na pet, mi tok suma Efraim-ma ki suma hi Manase-na ki suma hi Simeon suma a nga kaka adigazina mi. Kayam ata yima Israel-lâ a we d’ala Ma didina Alo mama mi nga ki sed’emu d’a, ablaud’a a zlap ki sed’emu.

2 Amuleina 24:20

Ndak ndata ti mba hina ni yam zal la Ma didina hurum mi zal yam suma Jerusalem-ma ki suma Juda-nid’a gak mi digizi woi dei avoromu. Sedekiyas mi tchol huneîd’a kamul ma Babilon-na.

Sawal la giled’a 51:11

Ang hle irang ngei yam tcho manda, ang has tchila manda woi mi.

Isai 7:16

Avok ka gor máma bei mi djeng mi noî tchod’a mi man djivid’id’a, leud’a hamulei suma mbà suma ang nga lazi mandarazi wana, mba d’i ar djona.

Jeremi 9:19

Jeremi mi dala: A nga hum del la tchina kur Siyon ala: Ni b’laga me ti mba kei na ge? Ni zulo me mi vei na ge? Ei arei ambasa, kayam yi mei ma kaka a b’lagam wa woyo!

Ezekiyel 23:31

Ndak hle ni tita hi wiyekid’a. Kayam ndata, an nga ni hak kop mat ma ayî mana abogu.

Wana ni mbaktumba hi Oze-d’a 7:13

Ni zla d’a hohoud’a kaziya, kayam azi wal lei dei ki sed’enu; b’laka nga d’i mba kaziya, kayam azi le tchod’a avoronu. An min á sud’uziya, wani azi dan ni zla d’a kad’a.

Wana ni mbaktumba hi Oze-d’a 9:13

Suma Efraim-ma a nata yima djivina d’igi Tir na, wani a mba he grozina abo ma tchi suma.

Jonas 2:4

Ang gan kä kur galileina halumina, mbiyo ma djangâ mi nguyunu, abil mangâ nga mi kal akulo kanu.

Jeremi 23:33

Ma didina mi de mi Jeremi ala: Le sum ndazina d’oze ma djok vuna d’oze ma ngat buzuna, a djobong ala: Zla d’a aneka hi Ma didinid’a ni me ge ni, ang dazi ala: Zla d’a anek ndata ni agi tagid’a! Ma didina mi dala: An tchugugi woyo!

Ezekiyel 33:25

Ang dazi ala: An Salad’a Ma didina ni dala: Agi nga mud’ugi hliuna ki buzuna, agi nga kud’urogi filei magina, agi nga tchagi matna mi. Ni nana ba, agi mba hlagi ambasa djona ge?