Jeremi 6:7 - Bible azumeina

⁷ Ti nga d’i lau asa’ata d’igi golonga ti lau mbina na. Vama ang humum kurutna ni murud’umba ki djop vuna vam tu. Vama an nga ni wum kurut teteuna ni mbuleina ki ndaka.

Jeremi 6:7 Referans Kwoze

Ezekiyel 7:23

Ang min kindjingâ, kayam ambasa ti oyâ wa ki suma tchi matna, azì ma ngolâ mi oyâ wa ki suma murud’umba mi.

Ezekiyel 7:11

Murud’umba ti mbut wa d’igi totogo d’a to suma na. Va mazi mba mi ar ruo d’a, ablau mazi d’a mimiyâka pî, sa mba mi ar ri, ndjondjoî mazid’a d’oze subur mazid’a mba d’i dap peyo.

Jeremi 20:8

Ata yima lara ma an de zlad’ina, an erï ad’un akulo mbeî ala: Murud’umba ki djop vuna a mba. Kayam ndata, zlad’a hi ang Ma didinid’a, ti mbut ni vama ngula ki vama sanda kan burâ pet.

Isai 57:20

Wani suma asa’atna a ni d’igi alum ma ngol ma mi tcha tata ma mbiyo mama nga mi tchol b’et tuo ma nga mi labilâ mi tchuk sä zozot ta lara ge woi petna na.

Ezekiyel 24:7

Kayam buzu ma mam vom mbeina, mi nga tchola kä kurumu, mi vom mbei ni yam ahinad’a pid’agi, mi vom nga kä yam andagad’a tala mi sid’ama d’a d’i.

Zla d’a d’ogolâ 4:23

Ang ngom djib’er ra kurung krovod’a kal ahle suma dingâ pet, kayam ni yima arid’a tcholï kuana.

Jeremi 30:12

Ma didina mi dala: Dak magid’a ni dak ka ngola, mbil magina ni mbil ma bei tchila ba na.

Jeremi 30:13

Sama mi hle zla magid’a kam á djinigi mbiligina nga d’i, kuma ma djivi ma mi ndak á tchiligi mbiligina nga d’uo mi.

Jeremi 32:31

Kayam azì ma ngol wana nga mi djiwin ayî mana ki hur man ma zala akulo, tinï ad’ud’a ni kid’a a minimba dei gak ini. Kayam ndata, an nga ni hlum mbei avoronu!

Ezekiyel 45:9

Salad’a Ma didina mi dala: Agi amulei suma Israel-lâ, ndak wa da’! Agi aragi murud’umba ki hurumba woyo, agi lagi ni sun nda d’ingêra ki gagazid’a, agi aragi yo d’a agi yogi ahlena hi sum mana kad’engid’a woyo. An Salad’a Ma didina ni de na!

Isai 1:6

Tin ad’ud’a kä ata asema dei gak i akulo ata yamba, vama djivi nga d’i, ni mbilâ vam tu ki zlita ki mbil ma ngadja’eî ma bei sana mi mbuzum mbei d’oze mi vom mbulâ iram mboze mi djinim ba na.

Jeremi 8:22

Na ni kuma ma mbilâ mi nga Galät tuo zu? D’oze dokdorâ mi nga kua d’uo mi zu? Ni kayam me ba, mbilâ hi sum manina nga mi tchil luo ge?

Jeremi 30:15

Ni kayam me ba, agi tchigi yam dak magid’a, yam mbil magi ma nga mi tchil luo na ge? Ni kayam tcho magi d’a zul heîd’a ki tcho magi d’a ngola ba, an ar ahle ndazina a lagi ni na.

Ezekiyel 21:29

Ni kayam ndata ba, an Salad’a Ma didina ni dala: Agi nga gan human ki tcho magid’a á ndagi ad’u tcho magid’a woi abu, á tagagi tcho magid’a woi ki sun magid’a woi pet ala agi ni suma tchona. Ni kayam ndata ba, ma djangûna mba mi yogiya.

Sofoni 3:1

Ni zla d’a hohoud’a yam azì ma ngol ma suma kuruma a ni suma bei hum vuna, a ni suma ndjendje suma murud’umba mi na.