9 Adjeu ami min á tchilimi Babilon, wani ndat tchil nga d’i. Ki tchetchemba, ei arat teyo, nge nge pî mi i yam ambas mamba, kayam sariya d’a a kattchi kata ti i akulo hur alona, gak ti doï d’ugula.
Agi pad’agi sama nga mi zar awunina ki ma nga mi ze awuna ki mbaragumba ata yima nda’â woi avo Babilon! Ar nge nge pî mi hulong gen sum mama, ar nge nge pî mi ring yam ambas mamba abo ayî ma durâ hi ma djop vun sumina.
Kur bur máma, nge nge pî mba mi hulong ad’u andjavamu, nge nge pî mba mi ring kur ambas mamba d’igi duk ka nga d’i tcha tatad’a na, d’igi d’uwar ma sama polom nga d’uo na na mi.
Mi ka suma dingâ azlinga ablaud’a. A nga puk kä yam taziya, a nga dala: Ei tcholei akulo! Ei hulongeî gen sum meina kur ambas sa a vud’i kuad’a woi dei abo mbigeu d’a nga d’i tchid’a!
an tchenem ala: Alo mana, an nga kur tcha d’a tatad’a, an nga ki zulona á hle iran akulo á golongû, kayam tcho mamid’a ti kal ngola, ti kal akulo kamiya; tchila mamid’a ti i gak do hur alona.
Azigar suma le sun nda beged’a mi Ezipte-na a nga kurut d’igi gor amuhl ma d’orâ na, wani a hulong kazigaziya, a ring ki zla tazi pet, a tchol nga ad’enga ngingring ngi. Kayam bur mazi ma b’laka mi mba wa kaziya, ni yima an Alona ni ngobozi kuana.
Wana nahle suma a nga mba yam suma ndak kau tak ki sed’ezi suma ndak mbut abok ki sed’ezi ki gogorok deina. Nge nge pî mba mi i yi mama, sama mba mi sud’u’â nga d’i.
Ma djok vuna hi Ma didinina mi nga avo Samari, a yum ala Odet. Mi nde mi d’ugol azigar suma a nga mbei avo Samari-na, mi dazi ala: Gola! Ma didina Alona habuyogi ngolona, hurum zal yam suma Juda-na, mi hagizi abogiya, wani agi tchagizi ki hur ma zala gak mi i akulo hur alona.
An hum dela ti tcholï akulo ti dala: Agi sum mana, ar agi buzugugi woi kurud’u, kayam agi lagi darigïd’a ki sed’et kur tcho mata d’i, kayam tugud’ei d’a tcho d’a nga d’i tumuta ti dogi d’i.
Ni zla d’a hohoud’a kaziya, kayam azi wal lei dei ki sed’enu; b’laka nga d’i mba kaziya, kayam azi le tchod’a avoronu. An min á sud’uziya, wani azi dan ni zla d’a kad’a.