Jeremi 51:31 - Bible azumeina

³¹ Ma gum sundina mi ring ad’u ma gum sundina, suma a tchuguzi sundina a ring ad’u ndrozina á i de mamul ma Babilon-na ala azì mam ma ngolâ, a hlum wa ki zla tam pet!

Jeremi 51:31 Referans Kwoze

2 Sunda Hamuleinid’a 30:6

Suma a tchuguzi sundina a i ki mbaktum mba amulâ mi b’irit ki mam suma sundid’a kur azì ma Jerusalem-ma kazì ma Juda-na pet. Yam vun ma hed’a hamulîna, a de mi suma ala: Agi Israel suma sud’ugi woi avun ayîna abo amulei suma Asiri-nina, agi hulongôgï gen Ma didina Alona hi Abraham-ma, Alona hi Isa’â, Alona hi Israel-lîna.

Daniel 5:30

Kur andjege ndata, a tchi Baltazar amul ma Babilon-na woyo.

Jeremi 50:43

Amul ma Babilon-na mi hum zla ndata, abom mi mbut amangeîna kekeb’e, mi nga mi tcha tata d’igi atcha d’a ti nde vutid’a na.

Jeremi 50:24

Ang azì ma Babilon-na, an gun wa dauna kä kangû, mba mi vang bei ang we ba. Ata yima a fangâ, a mba vangû, kayamba ang dur ki an Ma didinid’a.

Jeremi 4:20

A nga de zlad’a yam b’laka kam kua kam kua, ambasa pet ti b’lak keyo. Zlub’u mamid’a ti pleî woi atogo hina zak, yami ma kaka mi b’lak kei atogo hina zak d’igi ir ra tchemba na mi.

Wana ni mbaktumba hi Job-pa 9:25

Burun mi kal atogo kal sama sunum ma ring atogo za’â, mi kal bei mi we djivid’a ba!

Ester 8:14

Suma sunda a ful yam akulumei suma a djang heîna hamulîna, a i ki vun ma hed’a hamulîna atogo zazak, a tchum walam mbei kur azì ma ngol ma Sus-sâ mi.

Ester 8:10

A b’irit ni ki simiyê amulâ Asuwerus, a tin tampong mama kat mi, a sunut ni kakulumei suma a djang heîna hamulîna.

Jeremi 50:2

Agi tchagi wal zla ndata woi aduk andjaf suma, ar suma a humud’u. Agi pagi drapo d’a taka akulo, ar suma a hum zla ndata, agi ngeyet kä d’i. Agi dagi woi kat ala: A hle wa azì ma Babilon-na! Alo ma a yum ala Bel-lâ mi mbut wa zulona, Alo ma a yum ala Mardu’â, a b’lagam wa woyo! Angus ahle mam suma tcheta a mbut wa zulona, filei mama a b’lagam wa woi mi.

Jeremi 51:32

A hle wa yima a djak mbina kuana, yi mazi ma ad’eng ma ngunguna a ngalam wa woyo, suma dur ayîna a mbut mandarâ.