Jeremi 51:15 - Bible azumeina

¹⁵ Ma didina mi landagad’a ni ki sib’ik mamba, mi gäd’u duniyad’a ni ki ne mamba, mi b’eng akulod’a woi ki wäd’u mamba mi.

Jeremi 51:15 Referans Kwoze

Vama ndum mbeina 4:11

Â, Salamina Alo mamina, ang ndak á subura, á hud’a, á vad’enga mi. Kayam ahlena pet ang lazi ni angû; nata min manga ba, azi nga, azi nga karid’a mi.

Jeremi 32:17

Salad’a Ma didina, ang ma lakulod’a kandagad’a ki sib’ik mang nga kal teglesa ki bigang nga zid’a kang akulo zid’a, vama mi hlang abod’ina nga d’i.

Romê-na 1:20

Kad’u tinda kid’a Alona mi le duniyad’a dei d’a gak tchetchem, suma a ndak á wahlena hAlona suma a ndak á wazi d’uo na, nala, ad’eng mam mba didinda ki kak mam mba ala nAlona d’a. Suma a nga wahle ndazina nata sun nda mam lata. Hina, suma a ndak á waziya. Kayam ndata, azi ndak á tin vunazi avok Alona d’i.

Sunda hi suma a sunuzinid’a 14:15

a de ki delezi akulo ala: Agi sumuna, agi lagi ni me na ge? Ami ni suma d’igi agi na mi. Ami mbagi ni Zla d’a Djivid’a ala agi aragi filei ma hawa ya’â woyo, agi mbud’ugi iragi yam Alo ma ari ma lakulod’a kandagad’a kalum ma ngolâ kahlena pet suma a nga kuruma.

Zla d’a d’ogolâ 3:19

Ni ki ned’a ba, Ma didina mi le kandagad’a; ni ki wad’ud’a ba, mi sira kakulod’a mi.

Wana ni mbaktumba hi Job-pa 9:8

Ni mam tu ba, mi gang akulod’a sä akulo, nga mi tit akulo yam abilâ halum ma ngolîna.

Romê-na 11:33

Ndjondjoîd’a hAlonid’a ki ned’a ki we mamba ad’uzi ni zula yiyik. Ni nge mi ndak á väd’u sariya mamba ki nga hur mama ge?

Isai 45:12

Ni an ba ni landagad’a, ni le suma a nga kaka kurutna pet. Ni an ba ni b’eng akulod’a woyo, ni he vuna mahle suma kurutna pet mi.

Isai 44:24

Agi Israel-lâ, Ma didin ma wurak kagi ma lagï kur asuyogi deina, mi dala: An ni Sala ahlena pet. Ni an tu ba, ni b’eng akulod’a woyo, ni bine andagad’a woi bei sa mi ndjunun ba mi.

Isai 42:5

Alo ma didin ma lakulod’a ma b’engêt teina, Ma bine andagad’a woi kahle suma deî katna, Ma mi he muzuka mi suma kurutna, Ma mi he muzuka mi suma a nga tit kurutna, mi dala:

Isai 40:26

Agi hlagi iragi akulo, agi gologiya. Ni nge ba, mi lahle ndazina ge? Ni mam ba, mi lahle ndazina ki zla tazi wan pepet tuo zu? Mi yazi ki simiyêzi gagang, ata ad’eng mam mba ngola ki sib’ik mamba mi. Ma kid’ak siminina nga d’i.

Isai 40:22

Ma didina mi ni kaka akulo yam nguid’a handagad’id’a. Suma a nga kaka kurutna a ni gugureid’a d’igi djera na avoromu, mi b’eng akulod’a woi d’igi baru d’a afefeta na, mi b’engêt tei d’igi zlub’u mamba na á minit yi mam ma kaka.

Sawal la giled’a 136:5

Mam mi ma lakulod’a ki d’al mamina, kayam o mamba nga d’i dap pi.

Sawal la giled’a 104:2

angî ma tchuk b’od’a atang d’igi sana mi tchuk baruna atam na na, ang gang akulod’a d’igi sana mi gang azid’a akulo na mi.

Sunda hi suma a sunuzinid’a 17:24

Alo ma le duniyad’a kahle suma kurutna petna, mam mi Sala akulod’a kandagad’a. Mam nga mi kak kur gongîyo suma tok suma suma a minizi kabozina d’i.

Isai 51:13

Ang mar kan an Ma didin ma ni lang ma ni b’eng akulod’a woi ni gäd’u andagad’ina. Burâ pet ang nga zlak ki mandarâ avok ma djop vun suma ata yima mam nga go á b’lagang ngeina. Wani mandar mama mi ar nga ni lara ge?

Isai 48:13

Ni kabon ba, an gäd’u andagad’a, an b’eng akulod’a woi kabon ma ndjufâ. An yaziya; a tok tu, a mbeï avoronu.

Sawal la giled’a 107:25

Mi de zlad’a, babar ma ngolâ mi tchol akulo bibik, mi labilâ ngola heî mi.

Sawal la giled’a 104:24

Ma didina, sun mang nga ang lata ti zul heî; ang lat pet ni ki ned’a, andagad’a ti oî kahle suma ang lazina.

Jeremi 27:5

An ni ma landagad’a ki suma kazurei suma a nga yam andagad’ina ki sib’ik man nda kal teglesa ki bigan nda nga zid’a kan akulo zid’a, an nga ni handagad’a mi suma tan lan djivid’a kazina.

Zakari 12:1

Wana ni zla d’a Ma didina mi ngop ki Israel-lîd’a: Ma didin ma b’eng akulod’a ma gäd’u andagad’a ma le muzu’â kur sanina, mi dala: