Jeremi 50:6 - Bible azumeina

⁶ Adjeu sum mana a ni d’igi ades tumiyô suma a vit teina na. Mazi suma pola a vid’izi woyo, a arazi akulo yam ahuniyôna, a nga tcha tata akulo yam ahuniyô suma nglona, akulo yam yima ndingâ mi, a mar rei yam kangâ mazina.

Jeremi 50:6 Referans Kwoze

Isai 53:6

Adjeu ei pet ni d’igi tumiyô suma a vit teina na, nge nge pî mi tit ni kur lovot mamba. Ma didina mi tinim tchila meid’a kam pet.

Matiye 9:36

Wani kid’a mi wablau sumid’a, mi wazi hohowoziya, kayam azi nga kur kaud’a, ad’engêzi nga d’uo d’igi tumiyô suma bei salazi ma polina na.

Matiye 10:6

Agi igi nata tumiyô suma vit tei suma aduk Israel-lîna.

Ezekiyel 34:14

An mba ni polozi ata yima hat ma djivina, kangâ mazina mba mi ka’î akulo yam ahuniyô suma fuyogei suma yam ambas sa Israel-lina. Ata yi máma azi mba tuk tazi kur kangâ ma djivina, azi mba te hat ma gogot ma yam ahuniyô suma Israel-lîna mi.

Jeremi 50:17

Israel-lâ a ni d’igi timi d’a ti vit tei d’a azlona mi digita na. Ma mud’ut avok kikidjina namul ma Asiri-na. Ma bugol ma mi kuzut asogot tei ndjondjoma ni Nebukanezar amul ma Babilon-na.

Sawal la giled’a 119:176

An vit tei d’igi timi ma vit teina na; ang halan an azong mangâ, kayam an mar nga yam vun mang ma hed’a d’i.

Jeremi 50:19

An mba ni hulongî Israel-lâ kur kangâ mazina. Azi mba te hatna akulo yam ahina d’a Karmel-la ki d’a Basan-nda, a mba hop ki hatna akulo yam ahina d’a Efraim-mba ki d’a Galät-ta mi.

Jeremi 3:6

Kur atchogoid’a hi Josiyas-sa Ma didina mi dan ala: Ang we vama Israel suma a tcha tatana a luma zu? A i yam ahina d’a lara ge d’a fuyogeid’a, ad’u agu ma angus ma lara a mbut tazi gaulangâ.

Sawal la giled’a 116:7

An min hulong ata yi man ma tuk tad’a, kayam Ma didina, mi lan djivid’a.

Sawal la giled’a 91:1

Sama mi nga kaka ad’u angus Alo ma sä akulo ma kal teglesîna, mi nga ni kaka ad’u angus Alo ma ad’engêm kal petna.

1 Pierre 2:25

Kayam adjeu agi ni d’igi tumiyô suma a vit teina na, wani ki tchetchemba, agi hulongôgi wa gen Ma pol ma ngomogina.

Matiye 15:24

Mi hulong dazi ala: A sununï ni yam tumiyô suma a vit tei suma aduk Israel-lîna.

Jeremi 10:21

Jeremi mi dala: Kayam suma pola yazi d’i vit teyo, a hal nga Ma didina d’i. Kayam ndata, a kid’ak keyo, suma azi polozina pet a ndjoî woi mi.

Jeremi 3:23

Gagazi, siwel la nga d’i siwel yam yima ndingâ kahuniyô suma fuyogeinid’a ni zla d’a hawa yaka. Gagazi, suta hi Israel-lîd’a ti tcholï natang ang Ma didina Alo mamina.

Jeremi 2:32

Na ni gor weid’a ti mar ahle mat suma ti tchuguzi atat á djif ki tatna, d’oze gor weid’a a teleta, ti mar yam vama ti djinim furutna zu? Wani agi sum mana, agi maran ndei nadjeu dedei burâ ablaud’a bei ndumba ba.

Jeremi 2:20

Ma didina mi dala: Agi kuzugi djuk ma kelegina woi nadjeu dei, agi bud’ugi vun ma djin ma adigeina woyo, agi dagi ala: Ami min lang sunda d’uo d’a. Kayam ndata, agi igi akulo yam yima ndingâ, ad’u agu ma lara ma angusâ agi grivigi kä ad’um á mbud’ugi tagi gaulangâ mi.

Isai 32:2

Nge nge pî adigazi mba mi mbut ni d’igi anguzu ma mi d’el simetnina na, d’oze yima ngei ma mi d’el babar ma ngolîna na, d’oze d’igi mbiyo ma mi djang yam andaga d’a so d’a gangrasina na, d’oze d’igi anguzu ahina d’a ngol la yam andaga d’a sod’id’a na mi.

Isai 30:15

Salad’a Ma didin ma tin tam irat vat yam Israel-lîna mi dala: Le agi kagagi tchugot agi hulongôgi atanu ni, an mba ni sud’ugiya. Le agi kagagi tchugot agi tinigi hurugi kanu ni, nad’eng magid’a. Wani agi minigi nga d’i!

Sawal la giled’a 90:1

Wana ni tchen nda Moise sana hAlonina mi tcheneta. Salad’a, angî yi mami ma ngeid’a kur atchogoi d’a lara ge pet.

Sawal la giled’a 32:7

Angî yi man ma ngeid’a, ang nga ngomon kur ndaka, ang nga nguyun kä ki sawal la bangâna. Tchol ndjö

Sawal la giled’a 23:2

Nga mi tinin ata hat ma nguloma, nga mi tinin avun mbiyo ma d’igil ma hirwilingâ.

Jeremi 13:16

Agi suburugi Ma didina Alo magina avok ka bei mam mba ki nduvundid’a, avok ka bei asegi mi dap kahuniyôna kur yima nduvundid’a. Agi nga djubugi b’od’a, wani mam mba mi mbud’ut nduvunda. Mba mi mbud’ut nduvunda d’igi d’ugul la wura d’a i’îlika na.

Jeremi 23:1

Ma didina mi dala: Ni zla d’a hohoud’a yam suma pol suma tcho suma a nga pol tumiyô mana a nga b’lagazi woi a nga ndjoyôzi woina.

Jeremi 33:12

Ma didin ma ad’engêm kal petna mi de kua ala: Azì ma b’lak kei ki tchetchemba ma sa d’oze d’uwar mi nga kua d’uo na kazì mam ma nglona pet, a mba min kangâna yam suma pola, a mba tuk d’uwar mazina tam kua.

Ezekiyel 13:10

Suma djok vun ndazina a nga vit sum mana woyo, kayam a dala: Halasa nga, wani halasa nga d’uo ko! Sum mana a min gulumuna, a nga gulud’um ki lasod’a.

Ezekiyel 34:15

An Ma didina ni dala: Ni an ba, mba ni pol tumiyô mana, ni an ba, mba ni hazi tuk tad’a.

Ezekiyel 34:16

An mba ni hal suma a vit teina, an mba ni hulongî suma a ba woina, an mba ni djin mbuleina hi suma a fe dakina, an mba ni had’enga mi suma tugud’eid’a. Wani suma d’orâ ki suma ad’engâ, an mba ni tchazi woyo, an mba ni polozi pol la d’ingêra.

Isai 1:3

Amuhlâ mi we salama, korona mi we kupma hi salamina mi, wani Israel-lâ a nga wan ndi, sum mana a nga wäd’u zlad’a d’uo mi.